InfoHub Logo

Armysyzdar, qadirli ata-analar, qymbatty ustazdar, aıaýly oqýshylar!
Jańa jyl keshin ashýǵa ruqsat etińizder!
Qyzyǵyn da, qıyndyǵyn da kóldeneń tartqan 2012-shi Ulý jyly aıaqtalýǵa da az ýaqyt qaldy. Ómirimizge eneıin dep turǵan 2013-shy Jylan jyly tabaldyryqtan attaıyn dep tur.
Olaı bolsa, Jańa jyl barshańyzdyń otbastaryńyzǵa densaýlyq pen baqyt, bereke men birlik, jaqsylyq pen qýanysh ákelsin.
Ortamyzǵa búgingi keshtiń ıelerin shaqyraıyq. (Zalǵa 11, 10 synyp oqýshylaryn jaı mýzyka yrǵaǵymen qoldaryna bengal ottaryn ustap kiredi, shyrshany aınalyp dóńgelenip váls bıleıdi.)

1-júrgizýshi: Armysyzdar, oqýshylar, ustazdar,
Bilim izdep, ınemen qudyq qazǵandar.
Qushaq jaıa qarsy alamyz sizderdi,
Bı bılenip, sizder úshin án de búgin shyrqalar.

2-júrgizýshi: Hosh kelipsiz aq peıildi, ata-anam,
Júzderińnen meıirim men nur tamǵan.
Aldaryńda jaýqazyndaı qulpyrǵan,
Biz alańsyz, balǵyn shaqty ul-qyzdar.

1-júrgizýshi: Taýsylmasyn! Aǵytylsyn oı kóshi,
Aǵaıyndar, qysylmastan sóıleshi.
Aq tilekti aǵytyp bir bastaıyq,
Búgingi kesh-Jańa jyldyń toı keshi.

2-júrgizýshi: Júzderińnen kórem shattyq araıyn,
Bolsyn solaı árbir kúniń, ár aıyń.
Taýsylmasyn Jańa jyldyń dýmany,
Qutty bolsyn Jańa jylyń, aǵaıyn.

1-júrgizýshi: Ataly sóz-bataly sóz.
Asqar taýda asyl kóp, ataly sózde aqyl kóp,- demekshi, sóz kezegin úlken kisilerge bermekpiz.

2-júrgizýshi: Aǵalar-aı, aq júzin samal ópken,
Eńbegiń ǵoı elińe baǵaly etken.
Aıanbaı jasap júrgen qyzmetińiz
Qamqorlyq dep bilemiz bizge etken,- deı otyryp, quttyqtaý sózdi __________________________________ aǵaıǵa bermekpiz.
Án-shashý «Jańa jyl»
1-júrgizýshi: Óz perzentin asylym men altynym, jasyl jelek jarqynym, aspandaǵy juldyzym, mańdaıdaǵy qundyzym dep perzentiniń tileýin tileıtin ata-anaǵa berelik.

2-júrgizýshi: Dúnıeniń jaryq kúni – anamyz,
Jaryq kúnnen qýat alǵan sanamyz,- deı kele, 10, 11synyptardyń ata-ana komıtetiniń tóraıymdaryna sóz kezegin bermekpiz.
1-júrgizýshi: Sizderdiń nazarlaryńyzǵa mekteptiń kórkemónerpazdar úıirmesiniń músheleriniń oryndaýynda «Asyl ájem».
2-júrgizýshi: Jańa jyldy bastaıyq án men jyrmen,
Jylan jylyn ashaıyq shashý bımen.
Olaı bolsa kezekti bıge berip,
Qoshemetpen shaqyraıyq bıshilerdi.
1-júrgizýshi: Bı «Qara jorǵa», oryndaıtyn 10 synyp oqýshylary.
2-júrgizýshi: Al, kánekı, toıǵa kelgen halaıyq,
Shalqytaıyq, shattyq ánge salaıyq.
Ustazdar men ata-ana jarasty,
Balqyta bir bılep-bılep alaıyq.
1-júrgizýshi: Toqta, toqta, biz álgi Aıaz-ata men Aqshaqardy shaqyryp alaıyq. Qane bárimiz shaqyraıyq olardy: Aý-ý-ý-ý-ý-ý, Aıaz-ata...(Aıaz-ata men Aqshaqar kiredi. Olarmen birge saıqymazaqtar, Jańa jyl keledi.)
Kórinis.( Oryndaıtyndar: saıqymazaqtar, Eski jyl, Jańa jyl, Aıaz-Ata, Aqshaqar.)
2-júrgizýshi: Qurmetti Aıaz-Ata, Aqshaqar, Jańa jyl, qosh keldińizder! Sizderdi kórmegeli bir jyl boldy, saǵynyp ta qaldyq. Bizdiń ánshi, bıshi ul-qyzdarymyz ózderińizge ónerlerin kórsetsin, tórletińizder.(Balalar ónerlerin kórsetedi)
1-júrgizýshi: Eldiń jyryn jyrlaǵan,
Qaıǵysynda tolǵaǵan.
Dombyrasyz eshqashan
Júrekke em qonbaǵan.
Án men óleń, tátti kúı
Ár júrekti qozǵaǵan,- deı kele, kezekti konserttik baǵdarlamaǵa berelik:
1. Oqýshylar án, bı, oıyn, kórinis, parodıa, kúlki kerýen oryndaıdy.
2. Lotereıa oıyny oınatylady.
3. Dısko-shoý.
2-júrgizýshi: Biz tileımiz Jańa jylda shattyqty!
1-júrgizýshi: Biz tileımiz Jańa jylda baqytty!
2-júrgizýshi: Biz tileımiz Jańa jylda dostyqty!
1-júrgizýshi: Tileımiz biz barshańyzǵa jaqsylyq,- deı kele, qurmetti halaıyq, jasyl shyrshamen qoshtasaıyq.
2-júrgizýshi: Kóriskenshe kún jaqsy bolsyn, aǵaıyn! Saý bolyńyzdar!

Jakasheva Ýlbal Beısenbaevna
Almaty oblysy, Raıymbek aýdany, Jalańash selosy,
Jamal Ermegıaev atyndaǵy orta mektep
orys tili páni muǵalimi tárbıe isi jónindegi orynbasary