InfoHub Logo

Bilim salasy: «Tanym». «Shyǵarmashylyq»
Uıymdastyrylyp kiriktirilgen oqý qyzmeti: Jaratylystaný. Músindeý.
Taqyryby: «Jańa jyldyq shyrsha». «Shyrsha».
Maqsaty: 1. Januıalyq jáne qoǵamdyq merekelerge balalardyń oń kózqarasyn qalyptastyrý, túrli zattar men materıaldardyń qasıetterimen tanystyrý, jańa jyl merekesinde qaýipsizdik erejesin saqtaý.
2. Shyrshanyń qurylysyn kórsete bilý (baǵamshalardy uzyndyqtaryn ártúrli etip retimen ornalastyryp kórsetý), keskishti paıdalanýǵa jattyqtyrý. Músindeý daǵdylaryn qalyptastyrý.
Ádisi: kórsetý, túsindirý, tanystyrý
Kórnekilikteri: bezendirilgen shyrsha. dıdaktıkalyq materıaldar,
Sózdik jumys: merekelik shyrsha.
Bılıngvaldy komponent: shyrsha - elka.

Motıvasıalyq qozǵaýshylyq
Ortada shattyq sheńberin quryp, bári birge qosylyp «Shyrsha ánin» shyrqaıdy.

Uıymdastyrýshylyq izdenistik
- Balalar, búgin biz ormanǵa saıahatqa baraıyq, avtobýsqa minip otyryńdar, kózderińdi jumyńdar, sonda ǵana áp - sátte jetemiz.
Jabyq turǵan shyrshany ashyp jiberedi.
- Al, qánekeı ashyńdar!
- Biz qaıda keldik?
- Balalar, biz neni kórip turmyz?
- Shyrshamyz qandaı?
- Japyraqtary qandaı?
- Túsi qandaı?
- Balalar shyrshanyń bizge jasyrǵan jumbaqtary bar eken. Sol jumbaqtardy taýyp shesheıik

Jumbaqtar.
1. Bir aqsaqal jylyna,
Bir - aq ert keledi.
Kóp qyzy men ulyna,
Syılyq ákep beredi. (Aıaz ata)

2. Qysta jerdi jaýyp ketti,
Al kóktemde aǵyp ketti. (Qar)

3. Jasyl ıne kıimim.
Jaılaımyn taý bıigin
Jańa jyldy toılasań

Tórińdemin úıińniń. (Shyrsha)
4. Terezege qonady,
Ásem oıý oıady. (Qyraý)

5. Qysta ǵana bolady,
Ustasań qolyń tońady. (Qar)

6. Tisi joq tistep alady,
Qoly joq sýret salady. (Aıaz)

Logıkalyq oıyn: «Qys beınesin qurastyrý»
Sharty: Balalar 3 topqa bólinip, ártúrli bólikterden qystyń belgilerin beınelep quraıdy jáne ony sıpattap aıtady.

Dıd, oıyn: «Sharda jasyrylǵan suraqtar»
Sharty: Qaǵazdan ýmajdap qar jasap, sharǵa dáldep tıgizý. Tıgen shardaǵy suraqtarǵa jaýap berý.

Sergitý sáti
Jańa jyl, jańa jyl
Jańa jylda, jańa jyr
Jasyl shyrsha janynda
Jadyrap bar bala júr
Tamasha, tamasha
Shyrshamyz tur jarasa
Basynda ásem juldyzy
Kóz toımaıdy qarasa
Shyrshany músindeý
- Endi, balalar, bizder osy ásem shyrshany ermeksazdyń kómegimen músindeıik. Ol úshin aldymen ermeksazdy 3 bólikke bólip alyp, úshburyshtar jasaımyz, osy úsh úshburyshty bir - birine satylap
jalǵaımyz, sosyn osy shyrshamyzdy ásemdep bezendirip, tóbesine qyzyl ermeksazdan juldyzsha salamyz.

Refleksıalyq túzetýshilik
Balalardyń jumysyn baǵalaý.
Jaqsy qatysqan balalardy madaqtaý
Aıaz atanyń bergen syılyqtaryn tabystaý.

Kútiletin nátıje
Biledi: Jańa jyldyq merekeniń qoǵamda jáne januıada qalaı toılaný kerektigin
Meńgeredi: Qaýipsizdik erejesin saqtaýdy.
Túsinedi: Músindeý daǵdylaryn qalyptastyrýdy

Atyraý oblysy, Qurmanǵazy aýdany,
Alǵa selosyndaǵy "Aqmaral" bóbekjaı balabaqshasynda tárbıeshisi
Sagyngalıeva Sýlýpan Sagyngalıevna