InfoHub Logo

Búgin Qazaqstan Respýblıkasy Bilim jáne ǵylym mınıstri Erlan Saǵadıev jańa taǵaıyndalǵan Vıse-mınıstr Aslanbek Amrındi mınıstrlik ujymymen tanystyrdy, dep habarlady vedomstvonyń baspasóz qyzmetinen.

Aslanbek Kemeńgeruly Amrın 1982 jyldyń 13 naýryzynda Soltústik Qazaqstan oblysy Sovet aýdanyna qarasty Smırnov aýylynda dúnıege keldi.

M.Qozybaev atyndaǵy Soltústik Qazaqstan memlekettik ýnıversıtetin (2003 j., «Qarjy jáne aýdıt»), L.Gýmılev atyndaǵy Eýrazıa ulttyq ýnıversıtetin (2006 j., «Geoaqparattyq júıeler»), «Bolashaq» baǵdarlamasymen University of Illinois at Urbana - Champaign, (2012 j., «Tehnologıalardy basqarý») oqyp bitirdi.

2003-2005 jj. «KITEX» JSHS jeke ınovasıalyq kompanıasynda, «Jańa tehnologıa men materıaldardy engizý ortalyǵy» JSHS; «Qazaqstandyq ınovasıalyq tehnologıa» AQ eńbek etti.

2005-2010 jj. aralyǵynda QR Premer-Mınıstr Keńsesiniń áleýmettik-mádenı damý bóliminiń sarapshysy, ındýstrıaldy-ınnovasıalyq damý bóliminiń bas sarapshysy jáne meńgerýshisiniń orynbasary qyzmetterin atqarǵan.  

2012-2015 jj. - «Tehnologıalyq damý jónindegi ulttyq agenttik» AQ Basqarma tóraǵasynyń orynbasary, 2015-2016 jj. - «TIMWE International» halyqaralyq telekomýnıkasıalyq kompanıanyń Qazaqstan boıynsha bas menejeri.

2016 jyldyń 26 tamyzynda QR Úkimeti Qaýlysymen QR Bilim jáne ǵylym vıse-mınıstri bolyp taǵaıyndaldy. 

---