InfoHub Logo

Memleket basshysy Nursultan Nazarbaev Astanadaǵy №84 mektep-lıseıde boldy.

Bul týraly Aqordanyń baspasóz qyzmetinen habarlady.

Elbasy mekteptiń oqý synyptaryn aralap, muǵalimdermen áńgimelesti.

Nursultan Nazarbaev jınalǵandardy jańa mekteptiń ashylýymen quttyqtap, táýelsizdik jyldarynda bilim berý salasyn damytý jáne qajetti ınfraqurylymdy qalyptastyrý úshin memleket kóp kúsh-jiger jumsaǵanyn atap ótti.

- Kóptegen jastarymyz shet elderde bilim alýda, bul jyldarda elimiz boıynsha 1700-den astam mektep, sonyń ishinde zıatkerlik mektepter ashyldy. Bıyl 60 jańa oqý ornyn ashý josparlanýda. Osy qadamdar jas urpaqtyń ósip-órkendeýi men elimizdiń bolashaǵy úshin jasalyp otyr. Bul mektep sheıh Halıfpen kelisim negizinde sonyń qarajaty esebinen salyndy. Sol úshin oǵan alǵys aıtamyn, - dedi Qazaqstan Prezıdenti.

Jalpy aýdany 14 myń sharshy metr bolatyn, 1200 oqýshyǵa laıyqtalǵan jańa mekteptiń 48 oqý kabıneti bar. Bilim berý qazaq jáne orys tilderinde eki aýysym boıynsha júzege asyrylady.

Oqý ornynyń ınfraqurylymy 30 oryndyq oqý zaly bar kitaphanany, 360 oryndyq májilis zalyn, sport zalyn, júgirý jolaǵyn, sondaı-aq fýtbol, basketbol, voleıbolmen aınalysýǵa arnalǵan alańdardy qamtıdy.

---