Jańa týǵan nárestelerde kezdesetin sarǵyshtaný qaýipti me?
Kúz, qys aılarynda dúnıege kelgen balalarda jıi kezdesetin sarǵyshtanýdyń sebepteri nede?
Nárestelerdiń sarǵyshtanýy — qanda bılırýbın deńgeıiniń kóterilýimen júretin jaǵdaı. Bılırýbın — erıtrosıtterdiń buzylýynan paıda bolatyn sary deneshik. Qanda bılırýbınniń joǵary deńgeıi kezinde teri jáne shyryshty qabattar sary túske boıalady. Negizinen nárestelerdiń sarǵyshtanýy fızıologıalyq jáne patologıalyq sebepterge baılanysty bolady. Fızıologıalyq sarǵaıý jańa týǵan nárestelerdiń shamamen 70%-da kezdesedi, ol 3-4 kúnnen keıde 10 kúnnen soń ózdiginen ketedi.
Sarǵyshtanýdyń 5 deńgeıi bolady. Sonyń ishinde patologıalyq sarǵaıý aýyr jaǵdaıda ótedi jáne naýqas bala dárigerlerdiń qatań baqylaýynda bolady. Sebebi qandaǵy bılırýbınniń ádetten tys joǵary deńgeıi jańa týǵan náresteniń mıynyń zaqymdalý qaýpin týdyrýy múmkin. Náresteniń sarǵaıýyn tekserý úshin onyń mańdaıyn nemese murnyn aqyryn basyp qaraýǵa bolady. Eger basqan jerde náresteniń terisi sary bolyp kórinse, sizdiń balańyzda jeńil sarǵaıý bolýy múmkin.
Eskertetin jaıt perzenthanadan shyqqan soń balańyzdyń terisi ásirese alaqany men tabany sarǵaısa birden dáriger shaqyrtyńyz.
Sarǵyshtanýdyń emi — fototerapıa. Bul kezde náreste arnaıy jasandy jaryq túsiretin lampa astynda jatady. Sırek jaǵdaılarda nárestege tamyrishilik suıyqtyq engizý qajet bolady.
Oqýǵa keńes beremiz:
Spazmofılıa
Shala týǵan balanyń erekshelikteri
You Might Also Like
-
Mektep bitirýshi jas túlekter úshin aldymen mamandyqty, sodan soń sol kásiptiń qyr-syryn meńgertetin joǵarǵy oqý ornyn tańdaý — bolashaqqa jasalǵan eń mańyzdy qadamdardyń biri. Sebebi sizdiń bil...
-
Ál-Farabı atyndaǵy Qazaq ulttyq ýnıversıtetiniń joǵary oqý ornyna deıingi bilim berý fakúltetiniń sheteldikterdiń tildik jáne jalpy bilim berý daıyndyǵy kafedrasynda sheteldik stýdentterge arnalǵan ...
