Kóbeıte berme, janym, shashyń aǵyn,
Janym, sen jasymaǵyn, jasymaǵyn,
Nóserletip, bir sátte basylamyn,
Shashylady shuǵylam, ashylamyn.
Ushqyndaryn jan-jaqqa shashyratqan,
Kezderim bar keı-keıde jasyn atqan.
Qara bultqa qara da basymdaǵy,
Kún shyǵady dep oıla osy jaqtan.
Janymnyń jaqsy emes tynshyǵany,
Tynshyǵanda júregim tunshyǵady.
Jasynymnan, janym, sen seskenbegin,
Jaı otynyń artynan kún shyǵady.
Jaı otymdy alyppyn báseńdetin,
Esim ketip qalypty, esem ketip.
Aq jańbyrdyń nuryna shomyla ber,
Nóserletip alaıyn, nóserletip.
Janym, sen jasymaǵyn, jasymaǵyn!
Nóserletip bulttardan jaı atylmaı
Kún tymyrsyp turǵanǵa ashynamyn...

---