Jasasań qaıyr, qaryz dep aıtpa,jarqynym!
Qaryz ǵyp berseń, qajet te emes altynyń.
Ógiz bop saǵan, ótkerer meniń jaıym joq.
Ómirdiń qalǵan tamtyǵyn.
Aq ýyz berdi, qaryz dep anam aıtpady,
Moınymda áli, ákeniń qaryzy qaıtpady.
Qaryz demeı-aq, qamqorshym bolǵan dos qansha,
Qaıtarar edim, qaıteıin, meni baıytpady...
Elime máńgi qaryzdar edim qashannan,
Ótermin qashan?
Ketermin qaıda?
Qasha alman.
Qaryz dep aıtpas, qaırymdy mynaý ómirge,
Qaryzdar bolyp jasalǵam.
Qaryz dep aıtpa, jasasań maǵan qaıyrym,
Qaıtara almaspyn, belgisiz meniń baıyrym...
Men degen,joldas, jarlynyń jalǵyz taıymyn,
Aǵytyp bolmas aıylyn!..

---