InfoHub Logo

Maqsaty: Balalardyń úı janýarlary men jabaıy ańdar týraly túsinikterin tereńdetý. Olardyń túrlerin bir – birinen ajyratýǵa, áńgimeni muqıat, zeıin qoıyp tyńdaýǵa úıretý. Úı janýarlarynyń bizge tıgizer paıdasyn aıtý jáne olardy kútip baptaýǵa, qorǵap qamqorlyq jasaýǵa tárbıeleý. Úı janýarlaryna baılanysty taqpaq, maqal – mátelderdi qaıtalaı otyryp, suraq – jaýap arqyly til baılyǵyn damytý. Jabaıy janýarlardyń keıbir erekshelikterin salystyrý; mekeni, qorektenýi týraly túsinik berý, nelikten jabaıy dep atalatynyn túsindirý. Ańdardyń minez qulqyn beıneleıtin áńgime arqyly balalardy anyq sóıleýge úıretý.
Ádis tásil: Túsindirý, áńgimeleý, oıyn, suraq – jaýap, sahnalaý.
Kórnekilik: Úı jáne jabaıy janýarlardyń sýreti, úıdiń maketi, janýarlar kıimi.

Sabaqtyń barysy:
Balalar, qazir jyldyń qaı mezgili? Qys mezgilinde neshe aı bolady? Aı attaryn ataıyqshy? Qysta ne jaýady? Qardan ne jasap oınaımyz?
Jaraısyńdar balalar, bizdiń búgingi tanysatyn jańa taqyrybymyzdyń aty «Janýarlar týraly jalpy uǵym» degen. Balalar, janýarlardy bilesińder ma? Olardyń qandaı túrlerin bilesińder?
Balalardyń jaýaptary.
Balalar janýarlar ekige bólinedi; úı janýarlary jáne jabaıy janýarlar bolyp. Úı janýarlaryna qandaı janýarlar jatady?
Sıyr, qoı, jylqy, túıe, eshki, t. b.
Durys aıtasyńdar, endi myna taqtadaǵy sýretke qaraımyz. Mynaý neniń sýreti? Sıyrdyń.
- Durys aıtasyńdar, sıyrdyń adamdarǵa paıdasy bar ma?
- Bar.
- Qandaı paıdasy bar?
- Sútin ishemiz, etin jeımiz.
- Sútinen ne jasalady?
- Aıran, qurt, irimshik jasalady
- Durys aıtasyńdar, sıyr qandaı dybys shyǵarady?
- Mó, mó, mó dep móńireıdi.
- Sıyrdyń balasy qalaı atalady?
- Buzaý
- Buzaý týraly kim taqpaq aıtady?
- Áýkim, áýkim, áýkeshim
Qasıynshy áýkesin
Eneń áne keledi
Aq mamasyn beredi
Jaraısyńdar, al mynaý neniń sýreti?
- Qoıdyń.
- Qoıdyń adamǵa paıdasy bar ma?
- Etin jep, sútin ishemiz, júninen neshe túrli kıimder toqýǵa bolady. Mysaly; shulyq, qolǵap, sharf, jempir t. b.
- Qoı qandaı dybys shyǵarady?
- Má, má, má
- Qoıdyń balasy qalaı atalady?
- Qozy dep atalady.
- Qozy týraly kim taqpaq aıtady?
- Ózgeshe óńde, taý qyrat
Sylq – sylq kúlgen bal – bulaq
Jańa týǵan aq qozym
Kózin ashty maýjyrap
Al mynaý neniń sýreti?
- Túıeniń
- Túıeni kórgenderiń bar ma? Kimniń úıinde túıe bar?
Balalardyń jaýaptary.
Túıeniń qandaı paıdasy bar? Bilesińder ma?
Etin jep, sútin ishemiz. Al júninen kórpe jasalady. Túıeniń júninen jasalǵan kórpe óte jeńil ári jeńil bolady.
- Túıeniń súti qalaı atalady?
- Shubat
- Balalar, shubat adam densaýlyǵyna óte paıdaly.
- Túıe qandaı dybys shyǵarady?
- Báá, báá, báá.
- Túıeniń balasy qalaı atalady?
- Bota
- Bota týraly kim taqpaq aıtady?
Qara kóziń móldirep
Qyzyqtyrmaı qoımaıdy
Jibek júniń úlbirep
Qarasam kóz toımaıdy