InfoHub Logo

Abylaıdyń Qaldan Serenge tutqynǵa túsýi. Jońǵarlardyń qyrǵyzdarǵa jasaǵan bir shabýylynda Abylaı jekpe-jekte Qaldannyń uly Sharshyny óltiredi.

Súıikti ulynyń qazasyn estigen Qaldan kim bolsa da, qaıda bolsa da, ustap aldyna ákelýdi buıyrady. Qalmaqtar ań aýlap júrgen Abylaıdy tutqıylda qolǵa túsirip, qasyndaǵy birneshe bı jáne atyǵaı rýynyń áıgili batyry Qudaıberdi Jápekpen Qaldanǵa alyp keledi.

— Meniń ulymdy qaı jerde óltirdiń? — degen suraqqa, Abylaı bylaı jaýap beredi:

— Sen meni aıyptap otyrsyń. Biraq ony óltirgen halyq, men tek sol halyqtyń qalaýyn oryndap, Sharshynyń basyn aldym.

Qaldannyń bul jaýapqa razy bolǵany sonshalyqty — «mún, mún» dep birneshe ret qaıtalaıdy da, jendetin toqtatyp, Abylaıdy kıiz úıge qamap, qatań baqylaý qoıady.

Abylaıdyń naǵyz azaby sonda bastalady. Sharshynyń anasy ulyn óltirgen qazaqty (qyrǵyzdy) kórý úshin kúnde keledi, kelgen saıyn oǵan qarǵys jaýdyryp laǵynetteıdi. «Sen ony ne úshin óltirdiń», «oǵan qalaı qolyń bardy» dep aıyptaıdy. Abylaıdyń tózimi taýsylady, bir kúni ana tisin shyqyrlatyp óziniń ádettegi saýalyn qoıyp judyryǵyn túıe umtylǵanda, ol bylaı dep jaýap beredi:

— Seniń ulyń sıaqty qańǵyǵan quldar qaıda ólmedi deısiń, kári qalmaq!

Áıel kúıeýine júgirip, astamsyǵan qazaqty óltirýdi talap etedi. «Abylaıdy óltirip júrmesin» dep qoryqqan Qaldan, ony jáne Jápek batyrdy tutqynnan bosatyp jiberedi. Amanatqa Japaqtyń ulyn qaldyrady, ol óziniń batyrlyǵymen jáne tapqyrlyǵymen kózge túsip, Sary qazaq atanady.

---