Jarqanat týrasyndaǵy burynǵydan qalǵan sóz
Bir kúni Súleımen ǵalı assalam barsha qusty jıyp alyp aıtypty: «Men bul kúnde qartaıdym, etime jumsaq tósek bolmasa bolmaıdy. Barshalaryńyz baryńyzdar, bir-bir júnderińizdi berińizder, sodan tósek isteýge kerek,» — deıdi. Sonda barsha aýadaǵy qustardyń bári de bir-bir júnin julyp berdi deıdi Súleımen ǵalı assalamǵa. Sonda jalǵyz-aq jarqanat «Súleımenge qalaıshadan bir-aq tal júnimizdi beremiz» dep, óziniń táýir degen júniniń bárin alyp beripti. Sonda Súleımen barlyq júnin alyp, «qustardyń aldy bol» dep bata beripti. Munan soń keshikpesten oılap: «Jalańash nársege ózge qustar mazaqtap kúle bere me?» — dep, taǵy aıtypty: «Sen aýada túnde usharsyń, qus penen adam baıqap seniń sıqyńdy kórmeıtin ýaqytta», — depti. Sonan bermen qaraı jarqanat tek túnde ushatyn bolǵan.
You Might Also Like
