InfoHub Logo

Bir kúni elýbasy Qojanasyrdy shaqyryp alyp:

— Qazir úıińizge baryp nemese bireýden habar aıtyp, tamaq istetińiz. Aýylymyzǵa myńbasy kelgen eken. Sizge jolyǵyp úıińizden dám-tuz tatpaq oıy bar, — depti.

Qojanasyr «maqul» depti de, esegine minip, úıine qaraı ketipti. Elý basy aıtqan mezgilinde myńbasylardy ertip jetip keledi. Qojanasyrdyń tar úıine zorǵa syıǵyzyp, jaıǵasyp otyrǵan soń:

— Qane, qolǵa sýyńdy quıa ber, — depti elýbasy.

Qojanasyr olardyń qolyna sý quıyp bolǵannan soń ǵana:

— Áli qazan asylǵan joq edi, — dedi.

— E, nege? — dedi elýbasy.

— Bári bar ǵoı, biraq bir nárse jetpeı, qarap qaldyq.

Elýbasy:

— Nemene edi?

Qojanasyr onyń qulaǵyna sybyrlap turyp, qasyndaǵylar ǵa estirte:

— Soıylatyn qoı da joq, eger satyp ala qoısaq, aqshasyn kim tóleıdi? — depti qolyn omyraýyna qoıyp, qurmetpen egilip turyp.

---