InfoHub Logo

Ál-Farabı atyndaǵy QazUÝ, Oral federaldy ýnıversıteti (Reseı, Ekaterınbýrg) jáne Qorǵan memlekettik ýnıversıtetiniń (Reseı, Qorǵan) birlesip uıymdastyrǵan jas ǵalymdardyń Eýrazıalyq mektebi óz jumysyn bastap ketti. Mektepke Qazaqstan, Reseı jáne Armenıa memleketterinen 70-ten astam stýdent, magıstrant jáne doktoranttar men aspıranttar qatysýda.

Oral federaldy ýnıversıtetiniń ǵylymı jáne ınovasıalyq jumystardy uıymdastyrý bóliminiń basshysy Iýlıa Zaparııdiń aıtýynsha, mektep jumysynyń basty maqsaty – gýmanıtarlyq ǵylymdardyń ózekti máselelerin zertteýge jas ǵalymdardy tartý.

Eýrazıalyq mektep aıasynda 10 ǵylymı sheberhana uıymdastyrylǵan. Aıta keteıik, sonyń ekeýi QazUÝ-diń Tarıh fakúlteti ǵalymdarynyń basshylyǵymen óz jumysyn iske asyrýda.

Osylaısha, t.ǵ.d, profesor Jakısheva S.A. «Jappaı tarıhı derekter jáne olardy problemalyq-baǵdarlanǵan derekter bazasynda analıtıkalyq óńdeý» jáne t.ǵ.d, profesor Jarqynbaeva R.S. «Uly Otan soǵysy jyldaryndaǵy mobılızasıalyq saıasatynyń genderlik aspektileri» taqyrybynda ǵylymı jumystar júrgizýde.

Osy jyldyń mamyr aıynda Eýrazıalyq mekteptiń qatysýshylary aralyq nátıjelerin kórsetip, jyldyń sońyna qaraı Web of Science jáne Scopus bazalarynda tirkelgen ǵylymı jýrnaldarda maqala daıyndaý josparlanǵan.

Nazıra Nurtazına,

Ál-Farabı atyndaǵy QazUÝ-niń profesory

Jánibek Ákimbek 1-kýrs magıstranty («Tarıh» mamandyǵy)

---