InfoHub Logo

Jasa, jaına Qazaqstan!
Maqsaty: Otanymyzdyń tarıhyn bilýge, elin, jerin súıýge, táýelsizdikti baǵalaı bilýge tárbıeleý.

Eń Birinshi baqytym – halqym meniń
Soǵan berem oıymnyń altyn kenin.
Ol bar bolsa, men barmyn, qor bolmaımyn,
Qymbattyraq altynnan narqym meniń.
Al, ekinshi baqytym – tilim meniń,
Tas júrekti tilimmen tilimdedim.
Keı - keıde dúnıeden túńilsem de,
Qasıetti tilimnen túńilmedim.
Baqytym bar úshinshi – Otan degen,
Kim kúshti, dese bireý, Otan der em!
/M. Maqataev./
- Balalar, búgingi «Jasa, jaına Qazaqstan!»atty keshimizdi Qazaqstan Respýblıkasynyń Memlekettik Ánuranyn oryndaýdan bastaıyq.
Hor. Ánuran.
- Bizdiń Otanymyz Qazaqstan Respýblıkasy.
Suraq: Qazaqstan qandaı memleket?
Jaýap: Qazaqstan Respýblıkasy – halyqtyń ózi basqaratyn demokratıalyq, zaıyrly, birtutas prezıdenttik basqarý nysanyndaǵy memleket.
Suraq: Elimiz táýelsizdikke qashan qol jetkizdi?
Jaýap: 1991jyldyń 16jeltoqsanda «QR memlekettik táýelsizdigi» týraly zańy shyqty. Bul elimizdiń eshkimge táýelsiz derbes memleket ekendigin dúnıejúzine áıgilegen asa qasıetti qujat. Osy kúnnen bastap elimiz eshkimge jaltaqtamaı óz betinshe ómir súrip keledi.
Suraq: Jeriniń aýmaǵy qandaı?
Jaýap: Qazaqstan Respýblıkasy – Eýrazıa dep atalatyn qurylyqtar keńistiginiń dál ortańǵy bóligine ornalasqan el. Jaıyq ózeni Evropa men Azıany bólip turatyn shekara. Jeriniń aýmaǵy jóninen ol dúnıejúzinde 9 - orynda tur. Mundaı jerge Fransıa sıaqty 5 memleketti syıǵyzyp jiberýge bolady.
Suraq: Memlekettik tili qandaı?
Jaýap: Memlekettik tili - qazaq tili.
Suraq: QR Prezıdenti kim?
Jaýap: Qazaqstan Respýblıkasynyń Tuńǵysh Prezıdenti - N. Á. Nazarbaev.
Onyń elimiz ben halqymyzdyń aldynda sińirgen eńbegi orasan. Onyń basshylyǵy kezinde halqymyz azattyq alyp, egemendilikke, odan táýelsizdikke qol jetkizdi.

1 - oqýshy: «Tuńǵysh Prezıdent.» /T. Moldaǵalıev./
Shyqty tarap oı danadan,
Betqarady juldyz beti,
Ózi qalap saılap alǵan,
Elimniń bar prezıdenti.
Shyraq etip ómir nuryn,
Alys tartty aldaǵy jol.
El namysyn, eldiń júgin
Arqalaǵan ardaǵym ol.
Suraq: QR Memlekettik Rámizderin atańdar.
Jaýap: QR Memlekettik Rámizderine halqymyzdyń tutastyǵyn beıneleıtin Tý, Eltańba jáne Ánuran jatady.

2 - oqýshy: «Eltańba». T. Moldaǵalıev.
Qatar shapqan qos tulpar,
Aı astynda qazaq úı.
Qalyqtaǵan jal suńqar,
Sharyqtaǵan taza kúı.
Qara shańyraq - el kúni
Asqaqtatyp tur muny.
Eltańbasy – eldigim,
Eldiń tynysh tirligi.