InfoHub Logo

Germanıalyq «STERN» jýrnalyndaǵy habarda qazirgi tańdaǵy telearnalarda jaýyzdyqqa, zulymdyqqa negizdelgen sahnalardyń tym kóbeıgendigi jáne bul óz kezeginde jastardyń boıynan meıirim, janashyrlyq sekildi sezimderdi, adamı qasıetterdi uzaqtatyp jatqandyǵy málimdendi. Balalar men jas jetkinshekterdiń teledıdardaǵy jaýyzdyq sahnalarynan áserlenip, aldarynan shyqqan birinshi múkindikte-aq bulardy iske asyrýǵa umtylyp jatqandyǵy jazylǵan maqalada bul pikir sońǵy kezderi sot isterine kóptep túsip jatqan oqıǵalardyń saldarynan paıda bolǵanyn shegeledi. Teledıdarlardan kúnine 70 jaýyzdyq, al aptasyna 2700 zulymdyq sahnalaryn kórýge bolatyny paıymdalǵan maqalada bir balanyń 12 jasqa deıin 14000 ártúrli jaýyzdyq isterdiń kórermeni bolatynyn jáne qazirgi tańda balalar partada emes, teledıdar aldynda kóp otyratyny, tárbıeni teledıdardan alyp jatqandyǵy baıandaldy. Budan jas-kári búkil kórermender de áserlenbeýi múmkin emes degendi aıtqan ǵylymı habarda muǵalimderdiń de osy turǵydaǵy shaǵymdaryn tizbektedi. Balalardyń teledıdardan kórgen nárselerinen áserlenip buzylyp bara jatqanynan alańdaýly muǵalimder joǵarǵy jaýapty ókilderge buǵan shara qoldanýlaryn talap etip otyr. Balalardyń tóbelesteri burynǵydaı jaı ǵana jyryq, syryqtar emes, bas jarý, qol syndyrý t.b. aýyr jaraqattarǵa ákep soǵýda. Jasalǵan saýalnama nátıjesi de 69% jas jetkinshekterdiń kún saıynǵy kóbeıip jatqan jaýyzdyqqa beıimdelýimen buzylyp jatqandyǵynan teledıdardaǵy zulymdyq jáne jynystyq úlgidegi kórsetilimderdiń kesiri dep biletindikterin aıtty. 

Oqýǵa keńes beremiz:

Teledıdar jáne otbasy

Teledıdardyń kózge zıandary

---