InfoHub Logo

H. Dosmuhamedov atyndaǵy Atyraý memlekettik ýnıversıteti
Jýrnalısıka mamandyǵynyń 3 kýrs stýdenti
Meńdiǵalıeva Qundyz Amanqulqyzy

                                     
Elbasy N.Á.Nazarbaevtyń bıylǵy jarıalanǵan joldaýy jastardy bir serpiltip, boıyna erik-jiger syılaǵandaı boldy. Olaı deıtinimiz, elimizdiń bolashaǵy — jastarǵa aıryqsha kóńil bólip, Jastar jylyn qabyldaýǵa usynys bildirýi qoǵamnyń aýyzbirligin eselep arttyrdy desek te bolady. Osyǵan deıingi Elbasynyń qaı joldaýyn alsaq ta, jastarǵa qatysty tyń jobalar men bastamalardy eskerip, jastarǵa erekshe kóńil bólip kelgen. Búgingi Joldaýda da jastar máselesi eskerýsiz qalǵan joq.  Jastardyń bilim alýy men áleýmettik jaǵdaıy erekshe atalyp ótilip, keler 2019 jyl — «Jastar jyly» dep jarıalandy. Biz úshin bul — úlken qýanysh jáne de úlken mártebe! «Yqylym zamannan beri qazaq atamyz «Bilekti birdi, bilimdi myńdy jyǵady» degen sóz qaldyrǵan. Qazaqtyń bul maqalanyń ózi búgingi kúni aıryqsha mánge ıe bolyp otyr. Bul zaman bilekke emes, bilimge senetin zaman. Zamanaýı álemde eldiń qýaty, eń aldymen, bilim men ǵylymda bolatyn ýaqytqa keldik. Sol bilimdi qajetke, turmys ıgiligine jarata bilýimizben ǵana baǵalanady. Inemen qudyq qazǵandaı, qıyn kúrdeli, orasan qajyr qaırat pen erik — jigerdi talap etetin bilimsiz ómir tul», — dep atap ótti Elbasy.

Osy jylǵy jastar máselesin qamtyǵan joldaýynda Elbasy kóptegen atqarylatyn isterge toqtalǵan. Jastardy jumyspen qamtý máselesi elimizde basty nazardaǵy másele ekendig i belgili. Osy problemany joıý úshin elimizde «Dıplommen aýylǵa», «Bıznestiń jol kartasy», «Jumyspen qamtý-2020», «Árbir otbasyna «7-20-25» baǵdarlamasy aıasynda baspana alýdyń jańa múmkindikterin berý», «Joǵary bilim alýdyń qoljetimdiligi men sapasyn arttyryp, stýdent jastardyń jataqhanadaǵy jaǵdaıyn jaqsartý», t.b. baǵdarlamalar qolǵa alynyp, elimizdiń túkpir-túkpirinde júzege asyrylyp jatyr. Nursultan Ábishuly  Nazarbaevtyń «Táýelsizdik dáýiri» kitabynda jazylǵandaı egemendik alǵannan bergi jyldar ishinde Memleket basshysynyń sarabdal saıasatynyń arqasynda qoǵam damýynyń barlyq salasynda túbegeıli ózgerister júzege asyryldy, sonyń ishinde «Máńgilik El» jalpyulttyq ıdeıasynyń qalyptasý barysynda jastardy jańa qazaqstandyq patrıotızm rýhynda tirbıeleýdiń tıimdi júıesi men qurylymy jasalyp, iske qosyldy.

Prezıdent baspana máselesiniń ózektiligin eskere otyryp, qansha qurylys júrgizilse de, iri qalalarda turǵyn úı jas otbasylarǵa jetkiliksiz bolyp otyrǵanyn aıtty. «İri qalalarda jylyna 1 myńnan kem emes páter jumys isteıtin jastar úshin salatyn bolamyz», — dedi Nursultan Nazarbaev Úkimetke bergen tapsyrmasynda. Prezıdent «Atameken» ulttyq kásipkerler palatasynyń tájirıbesi týraly aıtyp, «Jas kásipker» baǵdarlamasyn ázirleýdi de tapsyrǵan edi. Elbasynyń sózinshe, jastardyń startaptaryna qoldaý kórsetetin qorlardyń qyzmetin yntalandyrý mańyzdy mindet sanalady. Osy oraıda Úkimetke Jastar startaptaryn qoldaýdyń qoryn qurý tapsyryldy. Prezıdent jas ǵalymdarǵa óz ıdeıasyn shynaıy jobalarǵa aınaldyrýda kómektesý kerektigin qadap aıtty. Sonymen qatar, «Jas maman» baǵdarlamasy bolady. Bilim alyp, tájirıbe almasyp, jumys istegisi keletin mamandarǵa mol múmkindikter qarastyrylýda.  «Jas sarbaz» bastamasynyń úlgisimen elimizdegi volonterlerdi, ásirese, áleýmettik jobalar salasyndaǵy eriktilerdi biriktirý qajettigi aıtyldy. Elbasynyń jastardy erekshe atap ótýi, jastardyń boıynda jaýapkershilik pen aldaǵy kúnge degen úlken senimdilikti arttyrady. Jaýapkershilikti alý — dittegen maqsatqa qol jetkizý úshin bárine de daıyn bolý degen sóz. Jastarǵa artylǵan senim men jańa múmkindikter úshin alǵys bildiremiz!

---