InfoHub Logo

Munyń sebepteri qurǵaq aýadan bastap aýyr dertke deıin ár túrli bolýy múmkin.

Shyntaq terisiniń ereksheligi nede?

Bul aımaqtaǵy teri deneniń ózge bólikterindegideı emes. Birinshiden, munda sýly-lıpıdti qyshqyldy qabyqshany quraıtyn maı bezderi múldem joq desek te bolady. Osy sebepti ústińgi terilik qabat — epıdermıs ylǵal saqtaýdan múldem saqtalmaǵan. Arnaıy tabıǵı qabyqshasyz teri túlep, tipti jarylady.

Ekinshiden, shyntaqtaǵy teri únemi qozǵalysta bolady: qosymsha túsetin kúshke shydas berý úshin, ol sozylyp, qataıa bastaıdy. Demek, bul shyntaqtyń ǵana emes, sonymen qatar basqa da dene bólikteri, ıaǵnı tize jáne tobyq terileriniń de mańyzdy máseleleri bolyp tabylady.

Shyntaqtaǵy qurǵaq teri asa qaýip týdyrmaıdy, alaıda ol jarylyp ketkenshe júrýge bolmaıdy. Tereń qabattalǵan jaryqshalarǵa bakterıa men vırýs túsken jaǵdaıda aýyr dertterge shaldyǵýyńyz múmkin.

Teri nelikten qurǵaıdy?

Ádette, jyldyń sýyq kezeńinde ǵımarattyń ishindegi qurǵaq aýadan, temperatýranyń aýysýy jáne únemi kıimge qajalýdan teriniń jaǵdaıy nasharlaı túsedi. Alaıda, shyntaqtaǵy teri jaz mezgilinde de qurǵaýy múmkin.

Kóbine myna sebepterden bolady:

— Jýynýǵa arnalǵan agressıvti quraldar epıdermısti odan ári qurǵata túsedi. Mysaly, siltili sabyn teriniń qyshqyldy qabyqshasyn buzady jáne de epıdermıske balansyn qalpyna keltirý úshin eki saǵattan alty saǵatqa deıin ýaqyt qajet bolady.

— Shyntaqpen ústelge taıaný da qosymsha qysym men qajalýdy týyndatady.

— Yńǵaısyz jáne sıntetıkalyq kıim de terini titirkendiredi.

— Ystyq dýsh qabyldaý nemese monshalarǵa jıi túsý de sebep bolady. Asa joǵary temperatýrada aǵza óz ylǵalyn joǵaltyp, sezimtal bólikter aıtarlyqtaı sýsyzdanady. Vanany jıi qabyldaý dýshqa qaraǵanda zıany kóbirek, sýda uzaq otyrý epıdermısti siltisizdendirip, ıaǵnı qorǵanysh qabatyn zaqymdaıdy.

— Baseındegi hlorly sý. Shyntaqtaǵy názik teriniń hımıalyq zattarǵa alergıasy jıi bolmaq.

— Teriniń jańaryp otyrýy úshin qajetti vıtamınder men mıkroelementterdiń jetispeýshiligi de bir sebep bolyp tabylady. Bul jaǵdaıda A jáne E, bıotın, sınk vıtamındergi kómekke keledi.

Terige qalaı kómektesý qajet?  

Shyntaq terisine qajetti kútim bolmaǵan jaǵdaıda qatparlanyp ketedi. Dermatologtar mynandaı keńes beredi:

— Sýda meıilinshe az bolyńyz, ásirese ystyq jáne hlorlanǵan sýdan alshaq bolyńyz.

— Sabynnyń pH-y teriniń pH qyshqyldyǵyna jaqynyna aýystyryńyz — 4-ten 6-ǵa deıin. Mysaly, quramynda súttik qyshqyly bar sıntetıkalyq quraldardy paıdalanǵan jón.  Al trıklozan, kúkirt jáne benzoıl qyshqyly bar sabyndardy kúndelikti qoldanysta qoldanbaǵan abzal.

— Sýǵa túsip bolǵannan keıin terini mindetti túrde ylǵaldandyryńyz. Osy arqyly jýylǵan lıpıdti qabatty qalpyna keltiresiz. Nemis dermatology Iael Adler óziniń kitabynda kúndelikti kútim jasaý úshin organıkalyq maılar emes, ámbebap kremderdi usynady. Taza kúıinde olar kerisinshe, lıpıdterdi jýyp, terine odan saıyn qurǵata túsedi deıdi.

— Rasıonyńyzǵa terige paıdaly ónimderdi: jemister, jıdekter, jańǵaqtar jáne tuqymdar, maıly balyqtardy, ıaǵnı antıoksıdanttarǵa baı jáne maıly qyshqyldarsyz ónimderdi qosyńyz.

— Terini kún kózinen, jelden jáne sýyqtan qorǵańyz. Aýa raıyna saı kıinińiz jáne kóshede uzaq júretin bolsańyz kúnnen qorǵaıtyn kremder týraly umytpaǵanyńyz jón.

— Eger sizdiń teri aýrýyńyz bolmasa, jeńil pılıng nemese shótkemen jeńil massaj jasańyz. Mundaı úrdisti aptasyna bir ret jasasańyz jetkilikti.

Dárigerge qaı kezde qaralǵan jón?

Eger kútimge qaramastan, shyntaq terisi qabyrshaqtansa, jarylsa, jara paıda bolsa — eleńdeýge bolady. Bul qurǵaqtyq densaýlyqtaǵy úlken aqaýdyń belgisi bolýy múmkin. Olardyń keıbirin atap kórseteıik:

— Gormondyq aýytqý. Mysaly, teriniń ylǵaldyǵyn saqtaıtyn estrogen deńgeıiniń tómendeýi. Bul gormonnyń aýytqýy ádette klımaks, júktilik jáne etekkir kezinde baıqalady.

— Dıabet jáne endokrındik júıeniń ózge buzylystary. Bular da teriniń jaǵdaıyna áser etedi jáne kóbinde shyntaq jáne tize terisinde baıqalady.

— Anemıa. Bul aýrýda temir jetispeýshiliginen gemoglobın túzilisi buzylady.

— Shyntaq ekzemasy. Jarylý men jazylmaıtyn jara túrinde baıqalady.

— Psorıaz. Qabyrshaqtalǵan bórtpemen belgili bolady.

Atalmysh belgilerdi ózińizde baıqasańyz, dáriger qabyldaýyna jazylyńyz. Naqty dıagnozdy naǵyz maman ǵana qoıa alatynyn umytpańyz.

Oqýǵa keńes beremiz:

Teriniń qartaıýyn baıaýlatatyn kollagen qosylǵan 10 ónim

Atopıalyq dermatıt

Teri úshin paıdaly ósimdikter

Teri obyry

Ekzema

---