Janǵa kóńil qalyp tur,
Jan bul kúıge salyp tur.
Tánge kóńil qalyp tur,
Tán shydamaı, aryp tur.
Jurtqa kóńil qalyp tur,
Jurt jalǵanǵa nanyp tur.
Ótirik órlep kúsheıip,
Shyn jeńilip, talyp tur.
Baq degenge baılaý joq,
Ýaǵdadan tanyp tur.
Taǵdyr shirkin tap berip,
Tamaǵymnan alyp tur.
Bále degen ańdýshy
Aıaǵymnan shalyp tur.
Jala degen tóbeti
Baltyrymnan qaýyp tur.
Jaý bilegin sybanyp,
Pyshaǵyn qaırap, janyp tur.
Saýysqan, qarǵa, qaraqus
Jemtik ańdyp, baǵyp tur.
Kóre almaǵan kúnshildiń
Kóńiline munym jaǵyp tur.
Tabalaǵan jamannyń
Shaıan tili shaǵyp tur.
«Áı, seni me?!» degenniń
Aıyzy ábden qanyp tur.
Jany ashyǵan jaqynnyń
Jas kózinen aǵyp tur.
Aıyrýǵa amal joq,
Qylyshyn jerge shaýyp tur.
«Áldeqalaı bolar» dep,
Júregi julqyp qaǵyp tur...
Túgi jyly, bilmedim,
Túledi me - naǵyp tur?
Túlemegen túpki dos,
Túlegeniń baryp tur!..

---