InfoHub Logo

Jońǵar shapqynshylyǵy kezinde ata- babamyzdyń azattyq úshin jan berisip, jan alysqan qanmen jazylǵan tarıhy " Jaýjúrek myń bala" fılminde tolyǵymen kórinis tapqan. Esimin tek tarıhı jyrlar men ańyzdarda ǵana estip ósken erjúrek batyr Sartaıdyń ómiri týraly osy fılmnen bildik. Sartaı batyrdyń ákesi men anasyn jońǵar áskeri kóz aldynda aıaýsyz óltirip, baýyrlarymen jetim qaldyrýy, onyń kek alý maqsatynda erjetýi, dostyq pen satqyndyq ta osy fılmde kórinedi. XVIII  ǵasyrdaǵy basty oqıǵada qazaq jastary birigip, basqynshylarǵa toıtarys berip, jankeshtilikpen jeńiske jetip otyrdy. 

Patrıottyq fılm kez kelgen kórermenin kórgennen ózine baýrap alady. Sebebi, qarapaıymdylyq, shynaıylyq jáne 99 paıyz óz elimizdiń mamandary men akterleri jumys jasap, sapaly dúnıe shyqqany baıqalady. Sonymen qatar, jas akterlerdiń kelisti kelbeti, sándi kıimderi óte jarasymdy.

XVIII ǵasyrdaǵy qazaq halqynyń rýhty beınesin, olardyń jaýjúrek, kózsiz batyrlyqtaryn bir demmen kórip, eriksiz kózińe jas úıiriledi. Qazaǵymnyń osyndaı batyrlarynyń mahabbatqa adaldyǵy, dostyqqa beriktigi, satqyndyq pen jaýyzdyqty keshirmeýi, bári- bári qazirgi jastarǵa úlgi bolýy tıis. Qazirgi zamandastarym, jasyratyny joq, kishkene qıynshylyqqa synyp, shydamaı jatatyndary bar. Osyndaı oıǵa shomyltyp, adamdy bir silkintip alar, táýbege túsirer, qazaq degen halyqty álemge tanytqan osyndaı Otandyq kınolardyń baryna qýanymyn. Qazaq ekenime taǵy da maqtanamyn.

Kıno&medıa mamandyǵynyń 1 kýrs stýdenti Erbaı Medına Jetekshisi: aǵa oqytýshy, kýrator N.B.Rýshanova

---