InfoHub Logo

QazUÝ – bul stýdentterdiń armany. Ál-Farabı atyndaǵy Qazaq ulttyq ýnıversıtetiniń tarıhy ǵylymı-tanymdyq, qoǵamdyq ómirdegi san alýan oqıǵalarǵa baı. Ýnıversıtet jastardyń ynta-jigeri men tálimgerlerdiń danalyǵyna, bilimniń qudiretti qýaty men ǵylymı oı qýatyna qanyq.

QazUÝ -da barlyq sabaq joǵary deńgeıde ótedi dep tolyqqandy aıta alamyn. Ásirese, maǵan ýnıversıtette ótetin aǵylshyn sabaǵy óte qatty unaıdy. Aǵylshyn páninen beretin Jemıleva.M.M óte bilikti maman, óz isiniń sheberi. Muǵalim ár ótkizgen sabaǵynda bizge paıdaly aqparattardy berýge tyrysady. Eń aldymen, gramatıkany, sóılesýdi, tyńdalymdy damytýǵa kóp kóńil aýdarady. Sabaq ýaqytynda aǵylshyn tiliniń álemin jan-jaqty ashyp, stýdentterdiń sabaqqa degen qyzyǵýshylyǵyn arttyrady. Aǵylshyn sabaǵynda tek aǵylshyn tilimen shektelmeı, mamandyǵymyz boıynsha aqparattardy da keńinen qarastyrý muǵalimimizdiń sabaq berýdegi basty ereksheligi. Árbir ótilgen sabaqtardan men ózime túrli tyń aqparattar dy aldym. 

Birde muǵalimimiz sabaqqa bizdiń mamandyǵymyzdyń maıtalman mamanyn da shaqyrdy. Biz ol mamannan bolashaqta jasaıtyn jumysymyz jaıly málimetterdi bildik. Qonaq retinde kelgen maman mamandyǵymyzdyń tikeleı nemen jumys jasap, baılanysatynyn túsinikti túrde jetkize bildi. Bul aqparattardyń barlyǵy taza aǵylshyn tilinde túsindirildi. Osyndaı sabaqtar bizdiń tyńdalym jáne aıtylym daǵdylarymyz damyp, ary qaraı aǵylshyn tilin úırenýge jaqsy áserin tıgizdi. 

Sonymen qatar, aǵylshyn sabaǵy jańa zamanǵa laıyq platformalardy qoldaný deńgeıimizdi arttyryp jatyr. Biz google.classroom platformasymen sabaq ótemiz. Bul platforma óte yńǵaıly. Muǵalim platformaǵa úı tapsyrmasyn júktep qoıady. Úı tapsyrmasyna ne berilgenin platformadan erkin qaraı alamyz. Odan bólek úı tapsyrmasyna berilgen prezentasıalar men tapsyrmalardy osy platformaǵa júktep teksertemiz. 

Maǵan muǵalimimizdiń bizge sabaq berýde qoldanatyn túril ádis-tásilderi men ár stýdenttiń deńgeıine qaraı óz sabaǵyn túsindirý jolyn tabýy qatty unaıdy. 

Menińshe, kez-kelgen sabaqqa stýdentterdiń qyzyǵýshylyǵyn arttyryp, oqýǵa yntalandyratyn muǵalimniń kásibı sheberligi. Bizge aǵylshyn tilinen sabaq beretin Jemıleva.M.M muǵalimimizdi kásibı sheberligi mol, básekege qabiletti jańa urpaqty tárbıelep jatyrǵan keremet maman dep aýyz toltyryp aıta alamyn. Muǵalimimizdiń óz isin súıip jasap, ár sabaǵyn erekshe ótkizýi bizge úlken motıvasıa berip, aǵylshyn tiline degen shynaıy qyzyǵýshylyǵymyzdy ashty dep aıta alamyn.

Ibragımova Aıman Bazarbekqyzy
ál-Farabı atyndaǵy Qazaq ulttyq ýnıversıteti  stýdenti
Jemıleva Madına Maratovnanyń jetekshiligimen                

---