InfoHub Logo

Sabaqtyń taqyryby: Jaz týraly óleńder
Sabaqtyń maqsaty: a) Jaz týraly óleńdermen tanystyrý
Á) Óleń arqyly aýyzsha sóıleý, este saqtaý qabiletterin arttyrý.
B) Kishipeıildilik, súıispenshilik qasıetterin boılaryna sińirý.
Sabaqtyń túri: jańa sabaq
Sabaqtyń ádisi: baıandaý, túsindirý, suraq - jaýap
Sabaqtyń kórnekiligi: óleńder

Sabaqtyń barysy: İ. Uıymdastyrý.
İİ. Úı tapsyrmasyn suraý.
İİİ. Jańa sabaq
1. Oı qozǵaý.
- Jaz mezgili týraly ne bilesińder?
- Jaz mezgili nesimen qyzyqty?
- Jaz týraly qandaı shyǵarmalar bilesińder?
2. «Jaz» týraly óleńdermen jumys.

Jaz. A. Qunanbaev
Jazdygún shilde bolǵanda,
Kókoraı shalǵyn, báısheshek,
Uzaryp ósip tolǵanda,
Kúrkirep jatqan ózenge,
Kóship aýyl qonǵanda;
Shurqyrap jatqan jylqynyń
Shalǵynnan jony qyltyldap,
At, aıǵyrlar, bıeler
Búıiri shyǵyp, yńqyldap,
Sýda turyp shybyndap,
Kuıryǵymen shylpyldap,
Arasynda kulyn - taı
Aınala shaýyp bultyldap.
Joǵary - tómen úırek, qaz
Ushyp tursa sympyldap.

Jaz keler. Sh. Qudaıberdiuly
Jaz keler, qystygúngi qysym ótip,
Qar, sýyq, aıaz, boran – bári ketip.
Qasyqtaı qar, tobyqtaı toń qalmaıdy,
Tabıǵat barsha janǵa rahym etip.
Jetpekke úlkendikke jas balalar,
Júgirer qyrdan oıǵa dúbirlesip.
Shal - kempir kún shýaqtap, kóńili jaı bop.
Ótken kún, ómirin aıtyp, kúbirlesip.
Bota, qulyn, buzaý, laq, qozy týyp,
Qýanyp oınaqtaıdy, olar da ósip.
Súıtse de adam kózi bir toımaıdy,
Qudaıym berse - daǵy qansha nesip.

Jazǵyturym. J. Aımaýytov
Oı, balalar, balalar!
Jyly - jyly jel soqty,
Jylǵalardan sý aqty.
Qańqyl - qańqyl qaz kepti,
Jer qaraıdy: jaz kepti.
Jelkildeıdi kók maısa.
Jelindeıdi mal jaısa.
Aýyl kóshti qystaýdan,
Áne, apamdar qoı saýǵan,
Qus uıasyn túzedi,
Taıymdy aǵam kúzedi.
El eshkisin qyrqypty.
Eginderin jyrtypty.
Oı, balalar, balalar.
Oınalyq ta kúlelik,
Qos basyna minelik.

Jaz. Y. Altynsarın
Sáýirde kóteriler rahmet týy,
Kóriner kók júzinde qaz ben qýy.
Kókten jańbyr, taýlardan sýlar júrip,
Jaıylar jer júzine qardyń sýy...
Ushpaqtyń bir sáýlesi jerge túsip,
Ósirer jerden shópti nurdyń býy.
Jaqyndar Qudaıymnyń kókten kúni,
Teń bolar jarlyqpenen kún men túni.
3. Óleńderdi mánerlep oqý, taldaý.
4. Óleńnen esimdikterdi taýyp jazý.
5. Esimdikterdi qatystyryp sóılem quraý: bizder, sender, sizder, olar.
6. Deńgeılik tapsyrmalar.

İÚ. Bekitý
Insert ádisi
Bilemin Bildim Bilgim keledi

Ú. Úıge tapsyrma
1. Qalaǵan óleńin jattaý.
2. Jaz týraly áńgime taýyp, oqyp kelý.
Úİ. Baǵalaý.