InfoHub Logo

1 synyp
“Jelbire, Jeńis jalaýy!” tanymdyq synyp saǵaty
Maqsaty: oqýshylardy adamgershilikke, Otanyn súıýge, ony qorǵaýǵa baýlý, Otanǵa degen súıispenshiligin arttyryp, patrıottyq tárbıe berý.
. oqýshylardy soǵys týraly maǵlumatpen, qazaqstandyqtardyń erlik isterimen tanystyryp, oı - órisin damytý.
. úlkenderdi syılaı bilýge, olardy qadirleýge tárbıeleý.
Kórnekiligi: slaıdtar, álbomdar, býkletter

Jospar:
1. Kirispe sóz.
2. Uly Otan soǵysynyń bastalýy (slaıd kórsetý)
3. Qazaqstandyqtar soǵysqa qalaı attandy? (slaıd kórsetý)
4. Qazaqstandyqtar Uly Otan soǵysynda (slaıd kórsetý)
5. Toppen jumys: Erlik, Otan týraly maqal - mátelder saıysy
6. Baýyrjan Momyshulynyń sózin tyńdaý.
7. “Ardagerler urpaǵymyz” soǵys ardagerleri týraly áńgime.
8. Jeńis týraly óleńderdi mánerlep oqý jáne “Beıbit ómir”sýret saıysy
9. Án saıysy:«Joıylsyn soǵys»,«Soǵystan qaıtqan soldattar»
10. Qorytyndy. “Tilek shamyn”jaǵý

1. Kirispe sóz.

Qaıyrly kún, qurmetti qonaqtar! “Jelbire, Jeńis jalaýy!” atty tanymdyq synyp
saǵatyna qosh keldińizder!
1941 jyly 22 - maýsymda fashısik Germanıanyń qara bulttaı qaptaǵan qalyń qoly Keńester Odaǵyna opasyzdyqpen shabýyl jasady. Olardyń maqsaty Keńes elin otarǵa aınaldyrý, halqyn quldyqqa túsirý jáne dúnıe júzine ústemdik ornatý bolatyn. Al Sovet Odaǵy tarapynan ádiletti, jerin, elin qorǵaǵan, azattyq otan soǵysy boldy. “Uly Otan soǵysy” uǵymy 1941 jylǵy shildeniń 3 - inde Stalınniń radıo arqyly sóılegen sózinen keıin paıda boldy.
“ El basyna kún týyp, etigimen sý keshken, at basyna kún týyp, aýyzdyqpen sý ishken”
aýyr syn kezeńde bizdiń jerlesterimiz keýdelerin oqqa tosty. Olardyń kópshiligi
qan maıdannan oralmady. Habar - osharsyz ketip, keıingi taǵdyrlary beımálim
qalǵandary az emes. Qandy qyrǵynnyń lańy árbir otbasyn qamtydy. Soǵys qasiretiniń
áli kúnge deıin jazylmaǵan jarasy júregimizdi syzdatady.

2. Uly Otan soǵysynyń bastalýy
Soǵysty birinshi bolyp qarsy alǵandardyń qatarynda Keńes Odaǵynyń batys shebin kúzetken ondaǵan myń qazaqstandyq - shekarashylar boldy. Ataqty Brest garnızonynyń ózinde 1941 jyldyń kókteminde bizdiń 3 myńdaı jerlesimiz ásker qatarynda qyzmet etip júrgen, shilde aıynda olardyń kópshiligi áskerden elge qaıtýlary kerek bolǵan. Biraq jaýdyń shabýyly olardyń bul josparlaryn kúl talqan
etti. Soǵys órti ishke qaraı tez enip, Brest qamalynyń tiri qalǵan qorǵaý - shylary partızandar qozǵalysyna qosyldy. Olardyń qatarynda 190 Qazaqstandyq bolǵan jáne olardyń kóbisiniń súıegi Belarýs jerinde qalǵan.

3. Qazaqstandyqtar soǵysqa qalaı attandy?

Soǵys kenetten bastalǵanymen, Qazaqstan, búkil Keńes Odaǵy sıaqty, alǵashqy kúnnen bastap judyryqtaı jumyldy. Respýblıkanyń
túkpir - túkpirinde áskerı komısarıattarǵa eriktiler aǵyldy. Keshe ǵana mektep partasynda otyrǵan bozbalalar men boıjetkender de, qala men aýyl turǵyndary da soǵysqa surandy.
1939 jyldyń deregi boıynsha bizdiń respýblıkamyzda 6 mln. 200 myń adam turyp jatqan. Soǵys jyldary Keńes Armıasynyń qataryna 1 mln. 196 myń 164 qazaqstandyq soǵysqa attanǵan.

4. Qazaqstandyqtar Uly Otan soǵysynda.
Bizdiń jerlesterimiz maıdan dalasynda erlikpen shaıqasqan. Jaýyngerlik erlikteri úshin júzdegen myń qazaqstandyq medal - ordendermen marapattalsa, 500 - deı adam Keńes Odaǵynyń Batyry, 100 - den astam adam - Dańq ordeniniń tolyq ıegeri atanǵan. Tórt qazaqstandyq eki márte Keńes Odaǵynyń Batyry atandy, olar - Talǵat Bıgeldınov, Sergeı Lýganskıı, Ivan Pavlov jáne Leonıd Beda.
Keńes Odaǵy Batyrlarynyń qatarynda qazaq qyzdary - mergen Álıa Moldaǵulova men pýlemetshi Mánshúk Mámetova, qazaqtan shyqqan tuńǵysh ushqysh, atqysh – shtýrman - Atyraýlyq Hıýaz Dospanova da bar. Reıhstagqa Jeńis týyn tikkenderdiń biri - qazaq jigiti Rahymjan Qoshqarbaev. Jaýdyń tylynda partızandardyń qatarynda da qazaqstandyqtar shaıqasqan. Solardyń biri - Qasym Qaısenov. Al Keńes Odaǵynyń Batyry tanymal qolbasshy, ekinshi dúnıe júzilik soǵystyń dańqty jaýyngeri, qazaqtyń kórnekti áskerı jazýshysy Baýyrjan Momyshulyn, 28 panfılovshylardyń erligin bilmeıtin qazaq joq shyǵar.