InfoHub Logo

Jelbire, Jeńis týy!
Maqsaty: 1. Bilimdilik: Balalarǵa Uly Otan soǵysy, jeńis, erlik, batyrlyq týraly túsinik, uǵym berý, bilimderin jetildirý.
2. Tárbıelilik: Otandy qorǵaýǵa, súıispenshilikpen qaraýǵa, súıýge, úlkendi qurmetteýge, otan úshin shaıqasqa túsken aǵa - apalarymyzdyń rýhyna bas ıýge, úlkenge – izet, kishige - qyzmet etýge, adamgershilikke, eliniń patrıoty bolýǵa tárbıeleý.
3. Damytýshylyq: Balalardyń aqyl - oıyn, qıalyn, tilin, sóz baılyǵyn, án aıtý qabiletin damytý. Kórnekilikter: Álbom, býkletter.

1 - Júrgizýshi: Qamyqpaǵan qıyndyqtyń úreıinen,
Ózderińe sılap qyrdyń gúlinen
Búgingi urpaq – baqytty urpaq atanyp
Quttyqtaımyz Uly Jeńis kúnimen!
Jeńis degen jaqsylyqtyń syńary
Jigermenen qushtarlyqtyń quraly
Kúreskerdiń armany men urany
Qýanysh pen merekeniń bulaǵy.
Mýzyka, balalar qoldaryna gúl shoqtaryn, sharlar ustap zalǵa kiredi.

2 - Júrgizýshi: Qurmetti ustazdar men balalar! Barshamyzǵa belgili 9 mamyr 5 jylǵa sozylǵan uly Otan soǵysynda nemis basqynshylaryn óz ordasynda kúırete talqandap, ádiletti elimizge jeńis ákelgen kún. Jeńis ońaılyqpen kelgen joq. Qansha bala jetim qaldy, qansha ana jesir qaldy, qanshama qyrshyn bozdaqtarymyz otan úshin ómirin qıdy. Soǵys zardaby qanshama júrekterge jazylmas jara saldy.
Bıyl mine, sol jeńiske de 72 jyl tolypty. Biraq, bizge – tynysh jyldar, baqytty ómir syılaǵan ata - babalarymyzdyń erligin umyttyrmaq emes! Erler esimi – el esinde máńgilik saqtalady. 1 mınýt únsizdik. Qazir bizdiń balalardyń Jeńis kúnine arnap daıyndaǵan «Jelbire, Jeńis týy!» atty erteńgiligin tamashalańyzdar.

Hor: «Jeńis týraly jyr.»
Aqqýnaz: Bizder úshin janyn qıǵan,
Bas ıemiz jandarǵa.
Ataq - dańqyn jetkizemiz,
Erteńgi atar tańdarǵa.
Sanjar: Erlikterin máńgi umytpaı,
Este saqtap júremiz.
Esimderin kóshe mektep,
Ataýynya bilemiz.
A. Káýsar: Er esimin alyp júrgen,
Jas túlekter qanshama.
Batyr aǵa - apalaryn,
Tanystyryp barshaǵa.
Meırambek: Jeńis kúni qutty bolsyn,
Qutty bolsyn atalar.
Umytpaıdy eshqashanda.
Jaýyngerdi balalar!
J. Káýsar: Jaýynger bizdiń sańlaqtar,
Jaýdy jeńgen soldattar.
Ardaqta Otan el úshin,
Baqytty týǵan jer úshin!
Aısultan: Jaý shataryn jyqtyryp,
Jaýǵa tize búktirip.
Jarq etti eldiń erleri,
Jeńimpaz ósken udaıy.
2 - Júrgizýshi: « Soldattar» bıi. Ortada: Dıas, Baýbek, Mıras, Sanjar.

1 - Júrgizýshi: «Eshkim de umytylmaıdy, esh nárse de umytylmaq emes!» Osynaý sózder Jeńis kúnin merekeleý kezinde jıi aıtylady. Bul sózder soǵysta qaza tapqandar eskertkishinde tasqa qashalyp jazylǵan.
Asyl: Jeńis degen jaqsylyqtyń syńary,
Jiger menen qushtarlyqtyń quraly.
Aǵalardyń armany men urany,
Qýanysh pen merekeniń bulaǵy.
2 - Júrgizýshi: Osy surapyl soǵysta Baýyrjan Momyshuly, Qasym Qaısenov, Talǵat Bıgeldınovtermen birdeı bizdiń apalarymyzda ózderiniń esten ketpes erlikterin kórsetip, otan úshin qan maıdanda jaralanǵan soldattardyń janyn saqtap óz kómekterin aıaǵan joq. Sum soǵystyń ózi órimdeı jap - jas Álıa men Mánshúk qyzdarymyzdy ala ketti. Mánshúk 19 jasqa kelgende soǵysqa attandy. Ol pýlemetshi, mergen bolǵan. Mánshúk erlikpen qaza boldy, eli úshin otqa túsip, jas ómirin otan úshin qıdy.
Álıjan: Qaıtpaǵan daýyldan,
Kek alǵan jaýynan
Halqymnyń qasterli
Jaısańy Baýyrjan.
Qazaqtyń qamy úshin,
Júregi aýyrǵan,
Eliniń namysyn, qorǵaǵan Baýyrjan.
Ánel: Jer men kóktiń arasyn
Sharpyǵanda qalyń órt.
Álıa orys qalasyn
Azat etip boldy mert.
Ol jeńisti kórgen joq,
Keldi keıin azat kún,
Biraq máńgi ólgen joq
Batyr qyzy qazaqtyń!
J. Aıarý: Sonaý jyly jer kókti,
Soǵys bulty torlaǵan.
Sonda Mánshúk ápkemiz
Jaýdy elden qorǵaǵan.
Ústinde sur shıneli,
Dýlyǵasy bolattan,
Mánshúk apa kún - túni,
Jaýǵa oqty boratqan.
1 - júrgizýshi: 1945 jyly 30 sáýirde saǵat 6, 30 - da jeńis týy tigildi. Tý tikken Raqymjan Qoshqarbaev. Tórt jylǵa sozylǵan qan tógis aıaqtaldy. Kórinis: Ortaǵa qolynda qyzyl jalaýy bar Raqymjan Qoshqarbaev shyǵady: «Otan úshin alǵa! Bizder jeńdik!» Ia, bul jeńis bizge ońaılyqpen kelgen joq, erjúrek batyr aǵa – apalarymyz syılaǵan baqytty tańdar men beıbit kúnder úshin bizder árqashanda bas ıemiz.
Baýbek: Jeńis keldi dalama,
Jeńis keldi qalama.
Jeis keldi áke bop,
Eldegi bar balaǵa.
Aıanat: Yntymaq bar elde gúldesin,
Adamdar araz bop júrmesin.
Qyzyqpen kóz ashqan balalar,
Qanquıyl soǵysty kórmesin!
S, Aıarý: Mánshúk apaı batyr qyz,
Ardaqtaımyz atyn biz.
Uqsap Mánshúk apaıǵa,
Ósip kele jatyrmyz.
Mıras: Álıany bul kúnde,
Barlyq bala biledi.
Álıa aty kóńilde,
Ápkemiz dep júredi.
2 - júrgizýshi: bı: «Tyrnalar» O. Aıarý, Ánel, J. Káýsar, Darıa.

Aqtóbe oblysy, Shalqar qalasy,
«№12 bóbekjaı – baqshasy» tárbıeshisi
Jolekenova Lıza Qaıyrbekqyzy

Jelbire, Jeńis týy! júkteý