InfoHub Logo

Ózi kedeı, ózi sybyzǵyshy Deldal degen adam bolypty. Deldaldyń birinen-biri ótetin júırik jeti aty bolady. Bir kúni jeti at ury qolyna túsedi de, jeti júırikti urylar alyp ketedi. Jeti atyn izdep shyqqan Deldal búkil eldi aralasa da, jeti atyn taba almaıdy, qaı jaqtan kelgen urylarǵa qoldy bolǵanyn da bilmeı taryǵady. Júre-júre dymy quryǵan Deldal ıen dalada jalǵyz toryǵyp otyrady da, beline qystyrǵan qýraı sybyzǵysyn qolyna alyp, óziniń osy ókinishti qalin sybyzǵyǵa túsiredi. Taǵy da el aralap attaryn izdeıdi, endi sybyzǵysyn tartyp, jańa kúıin kópshilikke estirte júrip izdeıdi. El aralap beısaýat júrgen, sybyzǵydaǵy zarly kúıin toqtatpaı tartyp, toryǵyp júrgen Deldaldyń áreketine tań bolǵan tóre syryn bilý úshin shaqyrtyp alyp, jaıyn suraıdy. Deldal barlyq jaǵdaıdy aıtady. Sybyzǵyshynyń músápir halin kórip jany ashyǵan, ónerine rahmet aıtqan tóre jan-jaqqa kisi attandyryp, onyń atyn urlaǵandardy taýyp ákelýdi buıyrady. Jan-jaqqa attanǵandar eldi aralap júrip jeti atyn urlaǵan uryny taýyp, atpen qosa alyp keledi. Tóre jeti atty Deldalǵa qaıtaryp beredi. Sol Deldaldyń jeti atyn izdep júrgendegi kúıi «Jeti atym» degen kúı eken.

---