InfoHub Logo

Sabaqtyń taqyryby: Jeti qazyna
Sabaqtyń maqsaty:
Bilimdilik: Mátindi mazmunyna saı júıeli áńgimeleý arqyly túsingenderin dáleldeý. Suraqtar men tapsyrmalardy oryndaý arqyly ıdeıasyn ashý.
Damytýshylyq: Oqýshylarǵa berilgen taqyryp, mátin boıynsha taldaý jumystaryn, sózdik jumysyn óz betimen topta júrgize bilý qabiletteriniń damýyna yqpal etý.
Tárbıelik: Úlkenderdi syılaýǵa, birin - biri tyńdaýǵa, qurmetteýge tárbıeleý.
Sabaqtyń túri: Jańa sabaq
Sabaqtyń ádisi: Túsindirý, suraq - jaýap
Sabaqtyń kórnekiligi: Jeti qazynanyń sýreti

Sabaq barysy
Uıymdastyrý kezeńi
- Oqýshylardy túgeldeý
- Oqý quraldaryn tekserý
Úı tapsyrmasy
Úı tapsyrmasynyń tolyq, naqty oryndalýyn tekserip shyǵý.
Psıhologıalyq kezeń
«Sálemdesý» oıyny: Qazir biz sendermen oıyn oınaımyz, qımyldy tez jasaýlaryń kerek. «Bastaımyz» degen belgi berilgende, men qalaı amandasý kerek ekenin aıtamyn, sonda sender bir - birlerińmen tez - tez amandasasyńdar. Ár adammen ártúrli amandasasyńdar. Sonymen, kózben… qolmen… ıyqpen… qulaqpen… tizemen… ıekpen… ókshemen… arqamen.
Maqsat qoıý kezeńi
Sabaqtyń taqyryby men maqsatyn habarlaý

Jańa sabaq
Qazyna degende kóz aldymyzǵa ne elesteıdi?
Baılyq, aqsha, asyl tastar, altyn - kúmis, sandyqtaǵy baǵaly zattar
Óleńniń maǵynasyn ashý
Beınet kórmeı, dáýlet joq.
Mal - dáýlettiń baılyǵy
Bir jutasań joq bolar,
Oqymystynyń baılyǵy
Kúnnen - kúnge kóp bolar,
Esh jutamaq joq bolar.
Ybyraı Altynsarın
- Ómirdiń bar qyzyǵy baılyqta ma?
- Ómiri taýsylmaıtyn, máńgilik saqtalatyn qazyna ne nárse dep oılaısyńdar?
- Jeti qazyna týraly ne bilesiń?

Qazaq halqynyń dúnıetanymynda, dili men tilinde jylqyǵa qatysty ózgeshe fılosofıalyq jáne mádenı júıe qalyptasqan. Sonyń izi adam men jylqynyń qatar ómir súre bastaǵan baıyrǵy zamannan baıqalady. Ejelgi dáýirlerde - aq qazirgi Qazaqstan aýmaǵy jylqynyń qolǵa úıretilgen mekeni bolǵandyǵyn arheologıalyq qazbalar dáleldeıdi. Soltústik Qazaqstandaǵy Botaı mádenıeti eneolıt dáýirinde (b. z. b. 4 – 3 - myńjyldyq), Arqaıym eskertkishteri orta qola dáýirinde (b. z. b. 2 - myńjyldyq), Qazaqstannyń barlyq aımaqtarynan kezdesetin arıı, saq, ǵun kezeńderiniń eskertkishteri (b. z. b. 1 - myńjyldyq – b. z. 2 ǵ.) ejelgi Qazaqstanda jylqynyń qolǵa úıretilip qana qoımaı, bul maldyń erekshe qasterlenip, ádet - ǵuryptyq rásimderdiń ajyramas bir bóligine aınalǵanyn kórsetedi.

Búrkit - (lat. Aquila chrysaetos) — suńqartárizdiler otrádyna, qarshyǵa tuqymdasyna jatatyn úlken qus. Kóbinese toǵaıly jáne taýly jerde tirshilik etedi. Bıik aǵashtar men záýlim jar tasqa uıa salyp, 1 — 2 jumyrtqa tabady. Orta Azıada, Qazaqstanda búrkitti qolǵa úıretip túlki, elik, qaraquıryq sıaqty ańdarǵa salady, shabyty túsken kyraǵy búrkitter qasqyrdy da alady, ashynǵanda adamǵa da túsedi.

"It jaqsysy - tazy" týraly túsinik Jaqsy ıtter jaıly qazaqta ertegi, ańyzdar kóp. Qazaqtyń uǵymynda eń jaqsy ıt - qumaıdy ıtten emes, "ıtala qaz" deıtin ala qustyń jumyrtqasynan shyǵypty - mys, - deıdi. Ol qus qasqyr men aıýdyń eski apandaryn nemese taýdyń úńgirlerin mekendeıdi. Qumaı tazy týraly ańyz - áfsanalarǵa zer salatyn bolsaq, ıttiń totemdik kúlti jáne kúndelikti ómirdegi taza praktıkalyq paıdasynan bolsa kerek.
Beren myltyq - oqpany oq atqanda jarylmas úshin berennen (asyl bolattan) soǵylyp jasalǵan myltyq.

Jańa sabaqty pysyqtaý
Dáptermen jumys
Jańa sabaqty bekitý
Ár top jeti qazynanyń sýretin salyp qorǵaıdy.
Sózdikpen jumys
Úı tapsyrmasy
Jeti qazyna jaıly materıal jınap kelý.
Mátindi mazmundaý.
Baǵalaý
Ár top oqýshylaryn jumystaryna qarap baǵalaımyn.