InfoHub Logo

Ertede bir baıdyń aýylynda óte sulý qyz boıjetipti. Álgini kórgen adam kóńili ketip, úılenýge qumartady eken de, sóz salady eken. Sonda qyz:

— Men — áke-sheshesi joq jetim qyzbyn, — dep qana jaýap beredi eken.

Myna sózdi estigender: «oı, jetim eken ǵoı!» — dep yntyqtyq raıynan aınyp, qaıtyp kete beredi eken.

Sondaǵy qyzdyń:

— Oý, jetim qyz, jetim qyz,
Kórgen jandy yntyqtyrdy betiń, qyz.
Ákesi joq jetim qyzdyń
Kádesi joq.
Sheshesi joq jetim qyzdyń
Nekesi joq.
Aǵasy joq jetim qyzdyń
Baǵasy joq.
İnisi joq jetim qyzdyń
Tynysy joq.
Óz-ózińmen jetil, qyz,
Súıgenińmen ketil, qyz! —

dep muńaıyp, arman qyp tartqany eken...

---