InfoHub Logo

Rýdnyı qalasy,
«№2 Qashar orta mektebi»KMM
Shaǵyn ortalyq tárbıeshisi Ýtebaeva Gýljaına Elmýratovna

Jigit sultany tárbıelik shara
Maqsaty: Balalardyń tapqyrlyq, ónerpazdyq, oıshyldyq qabiletterin ashý, estetıkalyq talǵamyn damytý, shyǵarmashylyq deńgeıin, óz eline, týǵan jerine degen súıispenshilik sezimderin arttyrý, Otanyn súıetin naǵyz qazaq jigitiniń qasıetterin boıyna sińire biletin ultjandy urpaq tárbıeleý.
Saıystyń barysy:
Júrgizýshi: Qurmetti ustazdar, ata - analar, jınalǵan qaýym! Sizderdi Ulystyń uly kúni Naýryz merekesimen quttyqtaımyn. Sizderge zor densaýlyq, mol baqyt, eńbekterińizge tabys tileımin.
Ýa, halaıyq kelińiz, armysyzdar!
Barlyǵyńyz esen - saý barmysyzdar!
Bala degen ómirdiń qyzyǵy ǵoı,
Bala degen ómirdiń jalǵasy ǵoı,
Qyzyǵyn qyzyqtaýǵa toımańyzdar,
Shaǵyn ortalyq "Qarlyǵash" toby búldirshinderiniń "Ulystyń uly kúni" Naýryz merekesine oraı uıymdastyrylǵan "Jigit sultany"saıysyna qosh keldińizder!

Júrgizýshi:
Jınalǵan merekege búgin halyq,
Qarasyn bizdiń jaqqa kózin salyp.
Jigittiń sultandary kelip qaldy,
Ónermen tapqyrlyǵyn qatar alyp.
Búgingi saıysymyzǵa qatysatyn sultan jigitterimiz Eldos anasy Marınamen, Nýrıslam anasy Zabıramen, Meırambek anasy Maıramen jáne Maqsatty ápkesi Nurbanýmen birge qol soǵyp, qoshemetpen ortaǵa shaqyraıyq.
Búgingi «Jigit sultany» saıysyn búldirshinderimizdiń Naýryz merekesine arnaǵan «Qosh keldiń, tórlet Naýryzym» atty kóńildi ánmen bastasaq.

Al endi alty kezeńnen turatyn saıystyń sharttarymen tanystyryp óteıin.
1. "Tegin bilý, tektilik". Sultandarymyz ózderin tanystyrady.
2. "Taza, minsiz, asyl sóz...". Suraq - jaýap saıysy.
3. "Sheber qoldar". Qol óner saıysy.
4." Kúsh synasý". Qol kúres.
5."Úı tapsyrmasy". Óz ónerin kórsetý.
6. Sándilik.

Ónerpazdar ónerin salystyryp,
Báıge úshin terleter shabystyryp.
Ádildikti qoldaıtyn baǵa berip,
Jibereıik qazylardy tanystyryp.(Ádilqazylar alqasymen tanystyrý).

Júrgizýshi:
1 - saıys
Aqyl, kórik boılarynda jetedi,
Áli talaı synaqtardan ótedi.
Myna otyrǵan barshańyzǵa,
Sultandar ózderin tanystyryp ótedi.
(Saıysqa qatysýshylar ózderin tanystyrady)

2 - saıys
Myqty bolsań suraqtarǵa jaýap ber,
Keldi kezek oqýmenen bilimge.
Bul synnan da ótseń eger súrinbeı,
Júlde saǵan qýana ber, kúlimde, - demekshi suraqtarǵa jaýap berý saıysy.

Suraqtar:
1) Qazaq halqy ulttyq oıyndaryn ata (Aq súıek, arqan tartý, saqına salý, kókpar, altybaqan, qyz qýý, qol kúres, asyq oınaý)
2) Jigittiń úsh jurty ( aǵaıyn, naǵashy, qaıyn)
3) Qazaq halqynyń toılaryn atańyz ( quda túsý, qyz uzatý, neke toı, bet ashar, shildehana, besik toı, tusaý keser, súndet toı)
4) Jeti atany atańyz (ata, áke, bala, nemere, shóbere, shópshek, nemene)

3 - saıys
Óziniń alǵyrlyǵyn uǵyndyryp,
Kórseter kóp izdegen myǵym qylyq.
Kelesi bul saıystyń josparynda,
Túsedi básekege sheberlik.(Balalar anasymen birge óz sheberlikterin kórsetedi)
Júrgizýshi: Kezekte arý-qyzdarymyzdyń daıyndaǵan bıin tamashalasaq. Qabyl alyńyzdar.

4 - saıys
Kelesi kezekte «Shyn er jeńse - tasymas, jeńilse jasymas» demekshi «Kúsh synasý» saıysy, jigitterimizdiń myqtysyn anyqtaıyq.

5 - saıys
Bı bıleımin tynyshyńdy alatyn,
Án salamyn jannyń shólin basatyn.
Ásem ánniń áýenimen ótkizgen,
Shirkin, shirkin, bul ómirdiń ár sátin, - demekshi kelesi kezekti "Úı tapsyrmasy óner saıysyna" bereıik.

6 - saıys
Al endi sándenip shyqqan sultandarymyzdy analarymen birge qol soǵyp qoshemettep qarsy alaıyq.
Júrgizýshi: Qurmetti qonaqtar, ata – analar ózderińiz birge qyzyqtap, ónerlerin tamashalaǵan "Jigit sultany" saıysy óz máresine jetip qaldy. Ádilqazylar alqasy óz sheshimderin shyǵarǵansha, balalarymyzdyń Naýryz merekesine arnalǵan taqpaqtaryn tyńdaıyq.
Júrgizýshi: Ádilqazylar alqasyn qol soǵyp qarsy alaıyq." Toqsan aýyz sózdiń tobyqtaı túıini bar", "Júırikten júırik ozar jarysqanda", - demekshi búgingi saıysymyzdyń jeńimpazdaryn anyqtaý úshin sóz kezegi ádilqazylar alqasyna beriledi. (Ádilqazylar sheshimi).
Osymen bizdiń "Jigit sultany" atty uıymdastyrylǵan shaǵyn saıysymyz aıaqtaldy. Nazarlaryńyzǵa rahmet!