InfoHub Logo

Sabaqtyń taqyryby: Jikteý esimdikteriniń túrlenýi.
Sabaqtyń maqsaty: bilimdilik - Oqýshynyń esimdikten alǵan bilimin, iskerligin, daǵdysyn tekserý, baǵalaý, jikteý esimdikteriniń túrlenýin túsindirý; tárbıelik - oqýshylardyń qyzyǵýshylyǵyn arttyrý, aqyl - oı, parasat tárbıesin berý; damytýshylyq - oqýshylardyń aqyl - oıyn damytatyn áńgime, maqal - mátel, jumbaqtar, gramatıkalyq oıyndar paıdalanyp, oı - órisin damytý.
Sabaqtyń ádisi: suraq - jaýap, túsindirý.
Sabaqtyń túri: aralas.
Sabaqtyń tıpi: jańa bilim qalyptastyrý.
Kórnekiligi: oqýlyq, ınterbelsendi taqta arqyly slaıdtar, kesteler.
Pánaralyq baılanys: ádebıet, halyqtyq pedagogıka.

Sabaqtyń barysy:
Uıymdastyrý bólimi:
Úı tapsyrmasy: Esimdikterdi qatystyryp sóılem jazý.
Pysyqtaý suraqtary:
1. Esimdik degenimiz ne?
2. Esimdik maǵynasyna qaraı qalaı bólinedi?
Jańa sabaq.

Jikteý esimdigi.
Belgili bir zattyq uǵymmen
baılanysty qoldanylady.
Jekeshe -----Kópshe
Men --------- Biz, bizder
Sen ---------- Sender
Siz ----------- Sizder
Ol ------------ Olar

Mysaly: Men - balań, jaryq kúnde sáýle qýǵan...
Óz tili men ádebıeti bar el ǵana óz aldyna derbes el bola alatynyn biz umytpaýymyz kerek. (A. Baıtursynov).
Qazaqstannyń bolashaǵy seniń qolyńda, jas urpaq!
Ol - eldiń tiregi.

Jikteý esimdikteri zat esimniń ornyna júrip, zat esimdershe septeledi jáne jikteledi.
Jikteý esimdikteriniń septelý úlgisi tómendegi kesteden kórýge bolady:

Men, sen, ol degen jikteý esimdikteriniń septelýinde mynadaı erekshelikter baıqalady:
1. ilik barys, tabys, shyǵys septikterinde túbirdegi l, n dybystary túsip qalady;
2. jatys septikte ol esimdigindegi l dybysy n - ǵa aınalady;
3. kómektes septikte túbir men jalǵaýdyń arasynda – y, - i dánekeri paıda bolady;
4. barys septik jalǵaýy jýandanyp, l, n túsip qalǵan túbirge – ǵan túrinde jalǵanady.
Jikteý esimdikteri óz jaǵynda ǵana jikteledi, ıaǵnı jikteý esimdigi qaı jaqty bildirse, oǵan sol jaqtyń jiktik jalǵaýy jalǵanyp jikteledi.
Jikteý esimdikteriniń jiktelý úlgisi:

Synyp ishinde 77 - jattyǵý oryndalady. Sen qurmette ony.
1. Tapsyrma. Jumbaqtar. Esimdikterdi tap.
Maǵan da, saǵan da,
Jaqyn týys - bes adam.
Úsh áripten turatyn,
Ońǵa oqy, solǵa oqy,
Ózgermeıdi esh odan,
Bári de óz juratyń,
Aıtady káne: kim atyn?

2. Muqaǵalı Maqataevtyń «Poezıa» atty óleńinen jikteý esimdigin taýyp, taldańyz.
Poezıa!
Menimen egiz be ediń?
Sen meni sezesiń be,
nege izdedim?
Alaýyrtqan tańdardan seni izdedim,
Qaraýytqan taýlardan seni izdedim.

3. “Qazaqstan meniń Otanym onyń men úshin jaýapty ekeni sıaqty, men de ol úshin jaýaptymyn” (Nursultan Nazarbaev)

4. Kóp núkteniń ornyna tıisti esimdikterdi qoıyńyzdar. Aqyndardyń óleńderinen úzindi keltireıik.
1) Baqyt degen -... bala kúnderiń,
Baqytsyz – aq baqytty bop júrgeniń. (Muqaǵalı Maqabaev)
2)... qazaqpyn, myń ólip, myń tirilgen. (Tumanbaı Moldaǵalıev)
3)... jazbaımyn óleńdi ermek úshin,
Joq bardy ertegini termek úshin.( Abaı Qunanbaev)

Bekitý.
Baǵalaý.
Úıge tapsyrma: 79 – jattyǵý. Aqyndardyń óleńderinen úzindi keltirip, esimdikterdi tabý.