InfoHub Logo

Taqyryby: Jylylyq kúnniń kózinde, tárbıe áje sózinde
Maqsaty: Balalardy ájesin syılaýǵa, analardy qurmetteýge tárbıeleý. Balalardyń boıyna adamgershilik, meıirimdilik qasıetterin sińirý.
Ortańǵy «A» top tárbıelenýshileriniń oryndaýynda «Naýryz sazy» áni.
Qazaǵym naýryzyń qutty bolsyn,
Kótergen shańyraǵyń bıik bolsyn.
Tilekteri ultymnyń qabyl bolyp,
Jaqsylyǵyn bir Alla ıip tursyn.
Naýryz toıy aq batamnyń bastaýy,
Bereke men birliktiń jalǵasýy.
Jeti túrli qasıetti dámmenen,
Baıtaq eldiń bir tolady astaýy.
- Qurmetti merekege qatysýshy halaıyq! Ulystyń uly kúni Naýryz merekesi qutty bolsyn! Osy mereke aıasynda ótkizilip otyrǵan «Jylylyq kúnniń kózinde, tárbıe áje sózinde» atty saıysymyzǵa qosh keldińizder!
- Top arasynda ótkizilgeli otyrǵan «Tátti nemerelerimen kelgen ájeler saıysyn» bastaýǵa ruqsat etińizder.
Qurmetti ájeler, armysyzdar,
Bárińizde esen - saýmysyzdar.
Jınalyppyz sátti kúni bárimizde.
Úlken kishi, jasyńyz, kárimizde.
Tórletińiz qadirmendi ájeler
Gúl - gúl jaınap bizdiń mynaý tórimizge.
(ájeler ortaǵa shyǵady, áýen oınalady)
Ájemniń saıasynda er jettim men
Aıaly aq besikte terbetilgen
Ájemdeı aq nıetti abzal jandy
Tappaımyn aınalsam da jer betinen - dep
- Endi sizderdi búgingi saıysymyzǵa qatysqaly otyrǵan top búldirshinderi men ájelerimizdi tanystyrýǵa ruqsat etińizder.
1. Baǵıla áje nemeresi Aqtilekpen
2. Yqpal áje nemeresi Nurjanmen
3. Kúlmarash áje nemeresi Asyljanmen
4. Kúlshahar áje nemeresi Dıaspen
- Saıystyń aty saıys bolǵandyqtan búgingi bizdiń ardaqty ájelerimizdiń ádil baǵasyn berý úshin ádil qazylar alqasyn saılap alýymyz kerek. Ádil qazylar alqasynyń tóraıymy:
Balabaqshamyzdyń meńgerýshisi
Balabaqsha ádiskeri
Qazaq tili qoǵamynyń múshesi
Ardager ustaz ana

(Bizdiń saıysymyz V kezeńnen turady.)
İ kezeń. «Sálem sózdiń anasy». (tanystyrý).
İİ kezeń. «Ónerli órge júzedi» Óz ónerlerin ortaǵa salady.
İİİ kezeń. «Halyq tálim - tárbıe bastaýy» suraqtar men tapsyrmalar.
İV kezeń. «Ájelerdiń tańsyq taǵamy - aı» dep atalady. (qazaqtyń ulttyq taǵamdary).
V kezeń. «Ónerliniń qoly altyn,
Óleńshiniń sózi altyn» (ájeler qol ónerden, nemereleri sýret salýdan óner kórsetpek).
Vİ kezeń. «Ájemniń aqyl qorjyny» dep atalady.( ájeler yrymdar, tıym sózder, bata túrleri jáne balanyń jeti jasqa deıingi rásimderin aıtý).
Endeshe saıysymyzdy bastamas buryn, ashylý sózi men óz tilegimen bildirýge, balabaqshamyzdyń meńgerýshisi, osy búldirshinderimizdiń anasy Baǵym apaıymyzǵa sóz bersek.
«Apataı» ánimen eresek tobynyń tárbıelenýshisi Dáýrenniń oryndaýynda qabyl alyńyzdar.
Naýryz keldi al toılańdar, jarańdar!
Kelgen myna merekege qarańdar.
Shashý shashyp aq jaýlyqty ájeler,
Toıda búgin oınap - kúlip tarańdar!

İ kezeń. «Sálem sózdiń anasy» degendeı sóz kezegi ózderińizge beriledi. (Ájeler men nemeresi ózderin tanystyrady.)
Ańyz bolǵan joǵalmaı san ǵasyrǵa
Salt - dástúri halqymnyń jalǵasýda
Qol óneri ádemi sándilikpen
Kóz tartyp urpaqtarǵa almasýda - degendeı bizdiń

İİ kezeń. «Ónerli órge júzedi» (Óz ónerlerin ortaǵa salady.)
Jarasady mine, endi,
Naǵyz toıdan qashpasaq.
Talasady kimde - kim,
Óleń jyrdan bastasaq.
Qaıǵy - muńdy dál búgin,
Ysyryp keıin tastasaq.
Salt dástúrmen jarysa,
Qaıta quryp jańasha.
Jarysa óner kórsetip,
Toı toılaıyq tamasha!

İİİ kezeń. «Halyq tálim - tárbıe bastaýy» suraqtar men tapsyrmalar.
Aldaryńyzda sýretti suraqtar men tapsyrmalar berilgen, barlyq ájeler men nemerelerine birdeı tapsyrma. Tanystyryp óteıin:
Daıyn bolǵansha ortańǵy «B» top tár/si: Bıbinurdyń oryndaýynda «Anashym» áni qabyl alyńyzdar.
Eresek top tár/si: Aneldiń oryndaýynda «Jas dáýirdiń túlegi»

İV kezeńimiz «Ájelerdiń tańsyq taǵamy - aı» dep atalady.
Tentek bolsam, ashylyp,
Jaqsy is qylsam, asyryp,
Maǵan saqtap júredi,
Táttisinde jasyryp.
«Jýannyń jińishkerip, jińishkeniń úziletin shaǵy» dep atalatyn kóktem mezgilinde adam boıynda álsizdik, sharshaý paıda bolatyny belgili. Óıtkeni adamdar boıynda kúzde jınalǵan dárýmender qory azaıady. Boıdaǵy álsizdikti jeńý maqsatynda ertede ájelerimiz denege sińimdi, juǵymdy taǵamdardy daıyndaıtyn bolǵan. Búgingi ájelerimiz qandaı dám túrlerin daıyndap ákeldi eken?
Endeshe, ájelerimiz ózderiniń daıyndap ákelgen qazaqtyń ulttyq taǵam túrlerin tanystyryp, qajettiligi týraly aıtyp ótse.

V kezeń. «Ónerliniń qoly altyn,
Óleńshiniń sózi altyn» dep atalady.
Bul kezeńde ájeler qol sheberliginen ónerlerin kórsetpekshi bolsa, nemereleri ájesine qandaı syılyq bergisi keletinin sýret arqyly kórsetpek.
Endeshe bizdiń qol sheberlik buıymdarymyz daıyn bolǵansha Ortańǵy «B» tobynyń tárbıelenýshisi Meńsulý qyzdaryńyzdyń oryndaýyndaǵy «Ádemi - aı» ánin qabyl alyńyzdar.
Aıgólek - aý, aıgólek,
Aıdyń júzi dóńgelek.
Aıdaı tolǵan kezimde,
Bı bıleımin dóńgelep – dep eresek tobynyń bıshi qyzdaryn shaqyramyz.

Vİ kezeń. Qazaq halqynyń úlgi, tárbıe quraldarynyń biri – tıym sózder, yrymdar jáne batalar men ádet - ǵuryp, salt - dástúrler. Bul sózder esi kirgen balalardy jaman ádetten, jat pıǵyldan orynsyz qylyq, teris minezderden saqtandyrady. Olaı bolsa bizdiń kelesi kezeńimiz.
«Ájemniń aqyl qorjynyna» kezek bersek.. Sandyqshanyń ishinde qorjyndar bar, qalaǵan qorjyndy alyp jaýap berýińizge bolady.
- Ana janyn áje bolsań uǵarsyń,
Aldyńdaǵy ol bıik quzar shyń.
Nemere úshin keýde kerip maqtanyp,
Nemere úshin bıikten de qularsyń.
– deı otyryp, búgingi saıysqa qatysqan barsha ájelerimiz ózderiniń úlgi - ónegelerin otyrǵan urpaqtarǵa kórsetti dep esepteımin. Endi saıys qorytyndysy shyqqansha «Anashym» eresek tobynyń tárbıelenýshisi Aımyrza Nurbolattyń oryndaýynda qabyl alyńyzdar.
Saıys qorytyndysyn tyńdaý. (Ádilqazylarǵa)
Ónermenen kórseteıik bizder qyzmet,
Ádilqazy sizderge de kóp - kóp rahmet!
Kórsetpesin ómir - ózen eshbir taýqymet,
Rızamyz ata - anaǵa júrgen demep!(qatysýshy ájeler tilegine berý)
- Nemere úshin eń meıirimdi jan – áje. Aq sút bergen analardyń anasy – áje. «Jan júregim, jaryǵym» dep nemeresin, shóberesin júregine teńeıtin de áje. Olaı bolsa qadirmendi qaýym ájelerdiń aq tilegi kópshilik úshin tábárik dep oılaımyn. Sol ájelerdiń jolyn bizderge berse eken dep ájelerimizdiń búldirshinderge arnalǵan lebizin tyńdaıyq (1 ájege tilek aıtqyzý).

- Ájelerdi marapattaý.
Áje mereıi kún kózimen para - par,
Tula boıǵa qýat berip taralar.
Ómirimizge shýaq shashyp árqashan,
Kóp jasańyz, aq nıetti analar, – deı otyryp búgingi saıysymyzǵa
qatysqan aıaýly asyl ájelerimizge, apalarymyzǵa kóp rahmet aıtamyz. Sizderdiń úlgi - ónegelerińizdi óskeleń urpaq jalǵastyrady dep aıtýǵa bolady.
Qartaımaı balalaryńyzdyń ortasynda júre berińizder!
Sizderge kóp - kóp rahmet!