Jylyna 5 aı boıy kún kórinbeıtin qala
Norvegıalyq Rúkan qalasynyń turǵyndary shynynda da qyrkúıekten naýryzǵa deıin — 5 aı — kún kózin bir kórýge zar bolyp qalady.
Másele adamnyń fızıkalyq ahýalynda ǵana emes, moraldik kúıinde de — qysqy merzimde depressıaǵa shaldyqqandardyń sany adam nanǵysyz mólsherge artyp ketedi.
Bunyń bárine qalanyń sátsiz — barlyq jaǵynan taýlar qorshap, oıpań jerge ornalasyp qalǵany kináli.
Biraq 1913 jyly Rúkan qalasynyń negizin qalaǵan Sam Eıde azdap essizdeý ıdeıaǵa: taýlardyń shyńdaryna aınalardy ornatý ıdeıasyna bas urady.
Alaıda, ótken ǵasyrdyń bas kezinde bundaı isti tyndyrý ońaı sharýa emes edi, sondyqtan bul eksperıment sátsizdikke ushyrady.
2005 jyly sýretshi jáne túnek qalanyń turǵyny Martın Andersenniń arqasynda qala basshylyǵy bul ıdeıany taǵy da eske aldy.
Endi mine, kúrdeli ádis-amaldardyń jáne 5 mln norveg kronynyń (224 250 000 teńge) arqasynda 2013 jyly úsh aına ornatyldy.
Olardan shaǵylysatyn jaryq qalanyń basty alańyna týralandy. Jergilikti turǵyndardyń kóńil kúıi men hal-jaǵdaıy ile-shala jaqsaryp sala berdi.
Sonymen qatar qalaǵa týrıser de kóptep kele bastady. Olar endi shańǵy men snoýbord teýip qana qoımaı, aıryqsha aınalardy da kórip tamashalaı alady.
You Might Also Like
-
Ormanda túlki men qoıan ómir súripti. Túlkiniń úıshigi muzdan, al qoıannyń úıi aǵashtan bolypty. Kóktem kelip, kún jylynǵanda túlkiniń úıshigi, árıne birden erip ketti.
