InfoHub Logo

Jyr jazamyn júregimnen
Óleńder jınaǵy

Óleńderim muǵalimderge, oqýshylarǵa jáne ul - qyz ósirip, urpaǵynyń keleshegin oılaǵan ata - analarǵa, týystaryna jáne shyǵarmashylyǵymen jaqynyraq tanysamyn degen kópshilik qaýymǵa arnalǵan.

Jan anam

Maǵan ómir syılaǵan – rızamyn saǵan,
Janyńnan jylý taraǵan – bizge arnalǵan.
Bar álem saǵan tamsanyp, bas ıedi,
Kıeli anam, jan anam – rızamyn saǵan.

Ózińnen tarap tań shapaǵy araıly,
Sáýle shashyp kúnniń nury taraıdy.
Seniń altyn alaqanyń aımalap,
Áli kúnge balalyǵym qalmaıdy.

Oqysań sham shyraǵyń jaǵylady,
Bilimiń men oı – sanań jalǵasady.
Eńbektenip, izdengen maqsatyna,
Jetedi degen sóziń este – máńgi saqtalady.

Anadan týady ǵoı dana bitken,
Maqsatyńa jetýdi ana kútken.
Ómirdiń oıly – qyrly soqpaǵymen,
Shydaǵan shyńdarynda nyq kóringen.

Jan anam - nur shashqan kelbetiń,
Ár kez maǵan tilektes bop júrgeniń.
Bir qolymen balań jatqan besikti,
Bir qolyńmen uly álemdi terbetken.

Mańdaıdaǵy ájimderge qaryzdarmyz,
Qushaǵyńnyń ystyǵyna qaryzdarmyz.
Kúnderiń qýanyshpen qyzyqty bop,
Júregiń tek shattyqtan dirildesin.