InfoHub Logo

- Armysyń ardaqty poezıa súıer qaýym! Saf óleńniń júırigi, aqıyq aqyn, qazaq poezıasynyń muzbalaǵy, Muqaǵalı Maqataevtyń 82 jasqa tolýyna oraı uıymdastyrylǵan JYR JÚIRİGİ – MUQAǴALI MAQATAEV atty ádebı - sazdy poezıalyq keshimizge qosh keldińizder!
Slaıd. Ómirbaıany

- Qara saz, qara shalǵyn óleńde óstim,
Jyr jazsam oǵan jurtym eleńdestiń.
Ólse óler Muqaǵalı Maqataev
Óltire almas alaıda óleńdi eshkim,-
dep aqynnyń ózi jyrlaǵandaı Muqaǵalı ólgenimen jez qylyshtaı jyrlary ólgeni joq. Óleńder

- Aqyn ónerpaz halyq úshin týady. Al, onyń jazǵan shyǵarmalary jurttyń rýhanı mádınetine qyzmet etedi. Muqaǵalı poezıasy syrly da muńdy álem. Al, onyń sózinde jazylǵan ánder júrekti terbetetin, tyńdaýshynyń jan dúnıesin áldıleıtin ǵajaıyp áýender galereıasy. Án: Mýzykasy Nurǵısa Tilendıevtiń Sarjaılaý ánin Tilepi Aqtotynyń oryndaýynda tamashalańyzdar!

- Muqaǵalı – ǵajaıyp, aqıyq, syrshyl, gýmanıs aqyn. Ol bizge kórinbeıtin sıqyr boıalardan, bizge estilmeıtin qupıa dybystardan toıat alatyn jumbaq aqyn. Kezekti aqyn týraly aıtylǵan pikirlerge beremiz.

- Poezıa, menimen egiz be ediń?
Sen meni sezesiń be, nege izdedim?
Alaýyrtqan tańdardan seni izdedim,
Qaraýytqan taýlardan seni izdedim,-
dep jyrlap, saf altyndaı poezıasyn bir eldiń murasyndaı etip qaldyra bilgen aqynnyń óleńderi óz aıtqandaı talaı bolashaqtarǵa kóshedi. Endeshe, sol bir máńgilik kóshtiń syrly áýenine, jadymyzdy jańǵyrǵan jyr joldaryna taǵy bir márte qulaq túrelik.
Án: Mýzykasy Tursynjan Shapaıdyń Orazǵalıeva Sandýǵashtyń oryndaýynda Týǵan ólke ánin tamashalańyzdar!

- Aqynnyń az ǵumyrynda artyna qaldyrǵan jalyndy jyrlary oqyrmandardy tánti etti. Onyń «Aqqýlar uıyqtaǵanda», «Raıymbek», «Mosart» syndy poema - dastandary bar. Sonyń ishinde «Aqqýlar uıyqtaǵanda» poemasy oqyǵan jannyń júregin terbetip, erekshe kúıge bóleıdi. Aqynnyń bul poemasynda aqqýlardyń sulý da pák, kıeli qus ekenin aıqyn sýrettep, egerde qonystanǵan jerinen jábir kórse qaıta oralmaıtyndyǵyn basty nazarda ustap, sheber keskindep jyrlaı bilgen. Endeshe osy poemadan shaǵyn kórinis tamashalaıyq.
Tilepi Aqtotynyń oryndaýynda Baqyt degen ánin tamashalańyzdar!

- Artyq ediń aǵa, sen asyldardan,
Óziń jaıly shertedi syr ǵasyr maǵan.
Astyńa at mingize almasam da
Óleńimmen jasaı alam bir toı saǵan.
Olaı bolsa, kezekti búgingi tolqyndardyń Muqandaı zańǵar atalaryna atalaryna arnaǵan jyr - shýmaqtaryna beremiz!

- Altyn horda aqynnyń óz daýsymen aıtylǵan biraz óleńderi saqtalyp qalypty. Bul onyń radıoda jumys jasap júrgen kezi bolsa kerek. Kezekti Muqańnyń óz daýsymen aıtqan óleńderine beremiz. Óleńder.
- Naızaǵaıdaı jasymda jarqyldaıyn,
Sóz sóıleýden sharshy alańda tartynbaıyn.
Aqyndaryń kóbeıe bersin oraq aýyz
Qazaqtyń muńyn aıtqan Muqandaıyn.

Kúndi kórem qashanda alyp tańnan,
Sáýle týar týlaǵan jaryqtardan.
Eske alyp urpaǵy aqyndaryn
Bıigine kóterip, ulyqtaǵan.

Muqaǵalı poezıasy shyrqalyp
Qyran qustaı qalyqtasyn asqarda.
Óleńi onyń esh ólmesin, urpaǵy
Toılasyn toıyn
Shyǵaryp atyn aspanǵa!

«Batyrdy - batyr jeńer beldeskende»,
Sheshendi sheshen jeńer daý sheshkende.
Osymen támamdaldy keshimiz bul
Baqytty kúnderde kezdeskenshe.