InfoHub Logo

«Jyrlaıdy jan júregim jaqsylyqty» jas jazba aqyndar baıqaýy

Maqsaty:
- Ádebıetti damytýǵa erekshe úles dep tanylǵan ádebı janrdyń órken jaıyp, damýyna yqpal etý;
- Ana tilinde erkin taza, ádebı tilde kórkem sóılep, jyldam oıyn qorytyp kórkem tilde jaýap berýge daǵdylandyrý;
- Jas aqyndardy anyqtaý, qoldaý kórsetý, yntalandyrý;
- Jas býyndy ulttyq mádenı qundylyqtar rýhy men ultjandylyqqa tárbıeleý;
- Jas talanttardyń shyǵarmashylyǵyn keńeıtý, sheberlikterin shyńdaý, shyǵarmalaryn oqýshylar arasynda nasıhattaý.

Armysyzdar qurmetti ustazdar, oqýshylar!
Búgingi jastar – halqymyzdyń bolashaǵy, elimizdiń erteńi. Oqýshylardyń oı órisin keńeıtip, shyǵarmashylyǵyna shabyt beretin «Jyrlaıdy jan júregim jaqsylyqty» baıqaýyna qosh keldińizder. Búgingi baıqaýǵa qatysýshylar:
.....
Baıqaý bólimderi:
1. «Tanystyrý». Qatysýshy óleńmen ózin tanystyrady.
2.«Janyma jaqyn jyrlarym». Oqýshy óz jyryn mánerlep jatqa oqıdy.
3.«Taza oı men kórkem til». Bir zattyń zıany men paıdasy týraly kórkem tilde salıqaly oı aıtady.
4. «Órilgen uıqas, mándi sóz». Berilgen tirkeske saı 4 tarmaqty óleń qurastyrady.
«Ortamyzda - jas jazba aqyndar» atty baıqaýymyzǵa qosh keldińizder!
Búgingi jas aqyndarymyzǵa tórelik etýshi alqa múshelerimen tanys bolyńyzdar:
-----------------------------------------
İ júrgizýshi:
Assalaýmaǵaleıkým, barsha halyq,
Qartqa qurmet, syılaıtyn jasqa shabyt.
Salty solaı halqymnyń áýel bastan,
Baýyrlarsha kelińder, bas qosalyq.

İİ júrgizýshi:
Sálemdesý - ıgi dástúr kıeli,
Sózben qarap, keıde shesher shıeni.
Jaqsy sózge jan semirer qashanda,
Joldanady saıyskerler sálemi.
Qatysýshylar ret - retimen ózderin tanystyryp ótedi.

İİ júrgizýshi:
Jazba aqyndar jınaldy, mine kórdiń,
Báriniń oıǵa alǵany jarqyn senim.
«Janyma jaqyn jyrlarym» bóliminde
Al, kópshilik!
Qabyldańyz jas aqyn óleńderin.
Saıyskerler óziniń jazǵan jyryn mánerlep jatqa oqıdy.

İ júrgizýshi:
Taza minsiz asyl tas -
Sý túbinde jatady.
Taza minsiz asyl sóz -
Oı túbinde jatady, – degendeı «Oı men til aıqyndylyǵy» bóliminde sizder berilgen paraqta jazylǵan zattyń zıany men paıdasy týraly kórkem tilde salıqaly oı aıtýlaryńyz kerek.

İİ júrgizýshi sóz jazylǵan kespe qaǵazdar taratady.
Berilgen sózder: til, kompúter, avtomobıl, gúl, kóp oqý, telefon, teledıdar.

İİ júrgizýshi:
«Óleń - sózdiń patshasy, sóz – sarasy,
Qıynnan qıystyrar er danasy»-
Degendeı qazaǵymnyń bas aqyny,
«Órilgen uıqas, mándi sóz» bólimi -
Aıqyndap berer sizge has aqyndy.
Bul bólimde jas aqyndardyń berilgen tirkeske saı osy jerde 4 tarmaqty óleń qurastyrǵanyna kýá bolasyzdar.
Qatysýshylar bir kespe qaǵazdan alyp, 4 joldy óleń quraıdy.

İ júrgizýshi:
Tulpardan tuǵyr ozbas shabylsa da
Oǵan da úki tumar taǵylsa da.
Jas aqyn óneriniń baryn saldy,
Keı jerde qara sózden jańylsa da – degendeı, sóz kezegi ádilqazylar alqasyna beriledi.
İ, İİ júrgizýshi:
Bilimdilik pen izgilikti boıymyzǵa daryta bereıik!