InfoHub Logo

Bilim berý salasy: Tanym, Shyǵarmashylyq (dástúrden tys uıymdastyrylǵan kirikken oqý is - áreketi)
Uıymdastyrylǵan oqý is - áreketi: Qurastyrý, Án - kúı
Taqyryby: «Jomart kúz!»
Maqsaty:
a) Balalarǵa qorshaǵan ortadaǵy túrli qubylystardy jáne kúz keremetin naqty aıqyndap ashýǵa, tabıǵatty súıýge úıretý. Sahnada ózderin erkin ustaýǵa, kórkem ádebı tilmen sóıleýge tárbıeleý.
á) Balalardyń ártistik qabiletin damytý, ınabatty, isker, mádenıetti, jeke tulǵany qalyptastyrý.
b) Uqyptylyqqa, shymyr, shapshań oı júıriktigine, talǵampazdyqqa, taza ádemi bolýǵa tárbıeleý.
Kórnekilikter: Sahnada kúz kórinisteri, sharlar, taqta.
Qaıyrly kún! Qaıyrly kún! Qaıyrly kún! El baılyǵyn arttyrǵan berekeli kúz aıy da keldi. Kúz aıy sizderge baq – bereke ákelsin, denderińizge saýlyq, ómirlerińizge sán – saltanat ákelsin! Olaı bolsa, búgingi «Jas ulan» tobynyń «Jomart kúz» atty úlgili oqý is - áreketin tamashalaýǵa shaqyramyn!

Balalar mýzykamen kiredi
Balalar shatqa tolsyn kóńilderiń,
Taýsylmasyn án men jyr ónerleriń
«Yrǵaq» bıin bıleıdi kúlim qaǵyp,
«Jas ulannyń» súıkimdi bóbekteri

Shattyq sheńberi
Baýlyp apa, aǵamyz,
Qustaı qanat qaǵamyz.
Jaqsy bolyp ósýge,
Biz tyrysyp baǵamyz.
Elge sálem beremiz,
Ónegeli órenbiz.
Biler qazaq balasy:
«Sálem - sózdiń anasy».

Armysyzdar, halaıyq,
Barmysyzdar halaıyq!
Kúzgi toıdy jup jazbaı,
Kelińder qarsy alaıyq!

- Balalar qazir jyldyń qaı mezgili?
- Kúz mezgili.
- Kúz mezgilinde neshe aı bar?
Úsh aı bar: qyrkúıek, qazan, qarasha
Qarańdarshy! Kúz mezgilinde jan - jaqtyń bári altyn sary altynǵa boıalady. Al, balalar, olaı bolsa osy kúz mezgiline arnalǵan taqpaqtarymyzdy aıtaıyq.
Arslan, İnkar, Aıaýlym
Jańa taqyryp:
Balalardy eki topka bólip, oqý is – áreketin saıys túrinde ótkizemiz.
Aldymen balalarǵa kúz mezgiliniń sýretin qurastyrýǵa arnalǵan qıyndylar beremiz. Ol qıyndylardy geometrıalyq pishinderden jasaımyz (Denesh tehnologıasyna súıenemiz. Úshburysh, sopaqsha, tórtburysh). Pishinderden aǵashtyń dińin jasaıdy, sodan soń japyraqtardyń astyna boıaý jaǵyp, ony aǵashqa qoıý arqyly aǵashty japyraqtarmen bezendiredi. Aspandaǵy bulttardy saýsaqqa kók tústi jaǵý arqyly, ishin boıaýmen toltyryp shyǵady(Oıyn tehnologıasyna súıenemiz). Saýsaq motorıkasymen jumys jasaý daǵdysyn damytamyz. Taqtamen jumys jasaımyz. Aǵashtyń, bulttardyń, japyraqtardyń, sýretterin qurastyrý arqyly kúzdiń peızajyn jasap shyǵarady.

Sergitý sáti.
Bizderde oıyn - saýyq bastalady
Tamasha bı bıleıdi án salady.
Qoshemettep, qol soǵyp otyralyq
Umytarsyz kúni boıǵy sharshaǵandy
Balalar shatqa tolsyn kóńilderiń,
Taýsylmasyn án men jyr ónerleriń
«Yrǵaq» bıin bıleıdi kúlim qaǵyp
«Jas ulan» tobynyń bıshileri
« Yrǵaq» bıin tamashalaıyq

Uıymdastyrylǵan oqý is – áreketin qorytyndylaımyz
Altyn kúz bárimizge shýaq shashsyn,
Kóńildi serippeli kúıin ashsyn.
Baq penen shattyq birge qatar qonyp,
Bereke birlikpenen ortaqtassyn!
Balalardyń jasaǵan jumystaryn baǵalaımyz, madaqtaımyz.
Balabaqsha elimizdiń qany - jany,
Osydan bastalady bári - bári.
Búgingi «Altyn kúzdeı» merekede
Shyrqalsyn «Altyn kúzdiń» áni taǵy

«Altyn kúz!» ánin barlyǵymyz oryndap, úlgili oqý is - áreketin aıaqtaımyz!
Osymen búgingi «Jas ulan» tobynyń uıymdastyrylǵan úlgili oqý is – áreketi aıaqtaldy. Zeıin qoıyp tyńdaǵandaryńyzǵa rahmet!