InfoHub Logo

Taýdyń tarlan taǵysy aıý birde balasyn ertip etekke túsedi. Etekte kúrkirep aǵyp jatqan aq jal tolqyndy ózen bar eken. Aıýdyń qonjyǵy ózen aǵysyn qyzyqtap jarqabaqtan qarap turǵanda qulap ketipti. Aryny qatty taý sýy qorbańdaǵan qonjyqty jańqa qurly kórmeı, qaqpaqyldap ala jóneledi.

Kóz aldynda aq kóbikpen aralasyp, bir batyp, bir shyǵyp aǵyp bara jatqan balasyn qımaı aıý jantalasady. Qutqaratyn dármeni joq, sý ishinde qarańdaǵan balasynan kóz almaı jar jaǵalap júgire beredi. Baýyryn butaq jyryp, tabanyn tas tiledi. Biraq balasyna degen analyq sezimi súlderin súırelep, qonjyǵynan qalyspaı júgire beredi.

Osy bir jaǵdaıdy kózi kórgen kúıshi dombyra men sybyzǵyǵa kúı etip salǵan eken.

Mynaý sondaǵy aıýdyń jorǵalaı balpańdap júgirgendegisi eken deıdi.

 

---