InfoHub Logo

Kóktemde ushyp kelip, kúz túse jyly jaqqa qaıtatyn jyl qustarynyń ylǵı aldyn bastap, qarqara tarta ushyp otyratyn Qyzylqan atty bir qus bolypty deıdi. Qyzylqan óziniń sońyndaǵy myń san qusty nebir qanat talar shólden, topshy talar belden ótkerip, oty-sýy mol ólkege bastap kelip júredi eken.

Birde monshaqtaı tizilip, jyly jaqty saǵalap kele jatqan qalyń qus qarly boranǵa urynyp, joıdasyz shyǵynǵa ushyrapty. Sonda, sońynan ergen uıalastarynyń aýyr haline kúızelgen Qyzylqan muńyn shaǵyp Táńirge barady. Táńiri Qyzylqannyń shaǵymyn tyńdap bolyp: «E-e, túz taǵysyn tabıǵatpen tildes etpeı bolmaıdy eken. Jaraıdy, men senderge adaspaı ushý úshin aspannan jol salyp bereıin!» — dep, kók júzine aq beldeý jol salyp beredi. Aspandaǵy aq beldeý qus jolynyń paıda bolý sebebi sodan bolsa kerek.

Urpaǵynyń qamyn oılap, Táńirimen tildesken Qyzylqan atty qusqa arnap sybyzǵyshy kúı shyǵarǵan.

 

---