InfoHub Logo

Ashyq sabaq
1 synyp
Sabaqtyń taqyryby: Jýan daýysty dybystar. J. Smaqov «Qozy» óleńi.
Sabaqtyń maqsattary: 1. Jýan daýysty dybystardy meńgertip, ajyrata bilýge úıretý; oqýshylardy óleńdi shapshań, mánerlep oqýǵa tóseldirý; ádemi, taza, saýatty jazýǵa úırete túsý;
2. Sóıleý áreketterin, oı - órisin damytý; Berilgen suraqqa tıanaqty jaýap berý, til baılyǵyn, sózdik qoryn molaıtý; tanymdyq qabiletterin damytý;
3. Úı janýarlarynyń paıdasyn túsindire otyryp, janýarlardy aıalaýǵa baýlý, tárbıeleý;
Sabaqtyń ádis - tásili: STO, túsindirý, áńgimeleý, suraq - jaýap, oıyn qoldaný;
Kórnekilikter: ınteraktıvti taqta
Sabaqtyń túri: Aralas sabaq.

Sabaqtyń barysy: I. Uıymdastyrý kezeńi.
- Qazir bizde ana tili sabaǵy
- Bizdiń ana tilimiz qaı til? (qazaq tili)
- Biz ana tili páninen ne jaıynda, qandaı taraý ótip jatyrmyz? (úı janýarlary)
- Buryn bizdiń ata - babalarymyz nemen aınalysqan, qalaı ómir súrgen?(mal baǵyp ómir súrgen)
- Qandaı maldardy kóbirek ustaǵan?(jylqy, sıyr, qoı t. b)
- Jylqy baǵatyn adamdy kim deıdi? (jylqyshy)
- Qoı baǵatyn adamdy she? (shopan)
- Al osy úı janýarlaryn jalpy qalaı ataǵan? (Tórt túlik mal)
- Búgingi sabaǵymyzda biz bir aýylǵa qonaqqa baramyz. Qonaqqa qur qol barýǵa bolmaıdy. Bizdiń qonaqqa aparatyn syılyǵymyz - ol bizdiń bilimimiz.
Baratyn aýylymyz alys taýdyń eteginde. Sondyqtan jolda talaı kedergiler kezdesedi. Sol kedergilerden ótý úshin sender tapsyrmalardy durys ári tez oryndaýlaryń kerek.
İ kedergi: - Balalar, aldymyzda bıik tóbe tur. Odan ótý úshin úı tapsyrmasyn eske túsireıik.
Úıge qandaı tapsyrma berildi?

İİ Úı tapsyrmasyn tekserý
«Sıyr» «Aq buzaý» óleńin jatqa suraý
- Ótken sabaqta jýan daýysty dybystardy ótken bolatynbyz. Jýan daýysty dybystardy kim aıtady?
- a, o, y, u

İİİ Ótken sabaqty pysyqtaý
- Dybys degenimiz ne?
- Árip degenimiz she?
- Dybystyń neshe túri bar?
- Daýysty dybys qalaı aıtylady, túrleri.
- Jaraısyńdar balalar! Biz birinshi kedergi bıik tóbeden óttik. Biraqta aldymyzda álide kedergiler bar eken.

İÚ Jańa sabaq
«Adasqan áripter»
- Eger myna áripterden sóz qurasaq qaı aýylǵa qonaqqa baratynymyzdy jáne de búgingi taqyrybymyzdy biletin bolamyz.
1. O, ı, q - Qoı
2. Q, z, y, o - Qozy
- Balalar biz qaı aýylǵa qonaqqa barady ekenbiz?
- Qoıly aýyl Shopan ata aýylyna barady ekenbiz
- Balalar alysta kóptegen adamdar júr eken. Solardyń ishinen bir adam bizge jaqyndap kele jatqan sekildi. Tanysyp kórsek qalaı qaraısyńdar?

Jaqan Smaqov 1932 jyly Qaraǵandy oblysy, Jańarqa aýdany Yntaly aýylynda dúnıege kelgen. J. Smaqovtyń 1953 j. “Pıoner” jýrnalynda balalarǵa arnalǵan “Aramshóp pen bıdaı” degen alǵashqy óleńi jaryq kórgen. Bóbekterge arnap “Syılyq”, “Qaz - qaz bas”, “Jastyq syry”, “Oıyndar men jumbaqtar”, “Kúldirgen”, “Syldyrmaq”, “Júz bir jumbaq” degen óleńder jınaǵy jaryqqa shyqqan.
J. Smaqov – birneshe ertegi, poemanyń avtory. “Opaı - sopaı”, “Tamshy”, “Burshaq týraly ertegi”, “Kim kúshti, kim myqty”, “Uzyn aıaq”, “Aıý qalaı adasty” sekildi shyǵarmalarynyń juldyzy joǵary.
- Búgin biz Jaqan Smaqovtyń «Qoı» mátinimen jáne «Qozy» óleńimen tanysamyz.
1. Mátindi mánerlep oqımyn
2. Sózdik jumys
- ýaq - usaq, kishkentaı mal
- ashatuıaq – Tuıaǵynyń arasy ashyq, ekige bólinip turatyn tuıaqty aıtady.
Týyrlyq – kıiz úıdiń túndigi men úziginiń arasyn qosatyn, ýyqtyń orta tusynan keregeniń basyna deıin jabylatyn qalyń kıiz.
Túndik – kıiz úıdiń shańyraǵyna jabylatyn tórt baýly kıiz.
Úzik – kıiz úıdiń joǵarǵy jaǵyna, ýyqtyń ústin e, týyrlyqpen astastyryla jabylatyn qalyń kıiz.
3. Oqýshylarǵa tizbekteı oqytý
4. Mátinde ne týraly oqydyńdar? (Qoı týraly)
- Qoı qandaı mal eken?
- Qandaı shóp jeıdi?
- Nesi paıdaly eken?
Qoıdyń tólin qalaı ataıdy? (Qozy)

1. Óleńdi oqımyn
2. 1 - 2 oqýshyǵa oqytý

Sergitý sáti
İİ kedergi:
- Aldymyzda ózen jatyr, ótý úshin kelesi tapsyrmany oryndaımyz.
Dáptermen jumys:
1 - tapsyrma
Óziń jalǵastyr... dápterge jazý
Túıe bozdaıdy,
Sıyr.................... (móńireıdi)
Qoı....................... (mańyraıdy)
Jylqy.................(kisineıdi)
Jýan daýysty dybystardyń astyn syzyp shyǵyńdar.

İİİ kedergi
Ózennen aman - esen óttik. Aldymyzdan qoıshynyń ıti shyqty. Qoıshy aýylyna jaqyn qalyppyz. Kelesi tapsyrmany oryndamasaq ol ıtter ary qaraı bizdi jibermeıdi.
Sýretpen jumys: (aýyzsha)
Sýret boıynsha áńgime qura
Ú Sabaqty pysyqtaý
- Balalar qarańdar bizdiń aldymyzdan taǵy 2 ıt shyqty. Qoıshynyń ıtteri kóp bolady.
- Nelikten kóp ıt asyraıdy dep oılaısyńdar?
Kelesi tapsyrmamyz sheshýshi tapsyrma. Tez, durys oryndasaq Biz aýylǵa da jetetin bolamyz.
5 jol óleń qurastyrý (dápterge jazý)

- Aýylǵa keldik. Bizdi Shopan ata kútip tur. Ákele jatqan syılyǵymyzdy ádemilep jınaqtap Shopan ataǵa bereıik.
- Sender búgingi sabaqtan ne bildińder?
- Qoı týraly, onyń adamǵa paıdasy týraly.
- Balalar, kelesi sabaǵymyzda biz ary qaraı tórt - túlik týraly kóptegen maǵlumattar biletin bolamyz. Al búgingi sabaǵymyzda biraz maǵlumat aldyńdar dep oılaımyn.

Úİ Úıge tapsyrma: «Qoı» oqý, mazmundaý. «Qozy» jattaý. 33 - jattyǵý
Úİİ Baǵalaý. Sabaqqa jaqsy qatysqan oqýshylardy baǵalaý.