InfoHub Logo

Taqyryby: Juldyzqurt
Maqsaty: Balalardy birneshe bólikterden turatyn zattardy músindeýdi, bútindi bólshekteýdi, bólikterdi biriktirýge, belgili bir orynǵa ornalastyrýdy úıretý. Jándikterdiń tirshiligi men túrleri týraly málimet berý. Ár túrli mólsherdegi zattardy músindeý daǵdylaryn qalyptastyrý. Uqyptylyqqa, tazalyqqa, ádemilikke tárbıeleý.
Kórnekilikter: jip, qalampyr, spagettı, qamyr, taıaqshalar, maılyqtar, túrli tústi qamyr.
Bilý: qamyrdyń quramy – sý, tuz, un, maı. Boıaý. Músindeýdiń túrleri – alaqan arasyna salyp jaıý qımyldaryn túsindirý.
Igerý: birneshe bólikterden turatyn zattardy músindeýdi, bútindi bólshekteýdi, bólikterdi biriktirýge, belgili bir orynǵa ornalastyrýdy. Músindelgen dóńgelek bólshekterdiń úlkeninen kishisine deıin, qosymsha materıaldy qajettiliginshe qoldanýdy.
Meńgerý: Jándikterdiń tirshiligi men syrtqy túrleri týraly málimet berý. Ár túrli mólsherdegi zattardy músindeý daǵdylaryn qalyptastyrý.
Dáleldeý. Oıatý.

Amandasý rásimi. Búgingi sabaqqa kóptegen qonaqtar kelipti endi kisilermen amandasaıyq.
Shattyq sheńberi:
Meni men ból jaqsylyǵyńdy,
Tolqynmen ketedi aýrýyń.
Qaıǵy kúnder bolmasyn,
Jarqyrasyn nıetin
Ǵajaıyp sát:
- Balalar qarańdarshy mynaý ne?
- Bul jáı jip emes, sıqyrly jip.
- Qaıda jip domalap bara jatyr eken baıqaıyqshy?
- Jip domalap aǵashtyń túbine jetedi, ar jaǵynan sybdyr men dybys estiledi. Káne tyńdaıyqshy, bul ne eken?
Qorapsha japyraqtar, al ishinde juldyzqurt. Bireýdiń jalynyshty daýysy estiledi. Juldyzqurt maǵan birdeńe aıtqysy kelip tur. Ol jalǵyz qaıda meniń aǵa - apalarym, dostarym qaıda?
Tyńdashy Almıra, tyńdashy Lázzat.
- Oh - oh - oh?
- Juldyzqurtqa kómektesemiz be? Oǵan arnap dostaryn músindep beremiz be?
Músindeýdi biz qamyrdan bastaımyz, jaı qamyr emes túrli - tústi. Ústel ústinde ydystarda un, tuz, maı, sý, boıaý.
- Jaraısyńdar!
- Jumystyń aldynda saýsaqtarymyzdy jattyqtyraıyq.
Saýsaq jattyǵýy:
Bala, bala, balaqan,
Qane qaısy alaqan
Saýsaqtarym áıbat
Bylaı - bylaı oınat.
- Ústel ústindegi zattardy qarańdarshy ne bar eken?
Jasalý joldaryn túsindirý:
- Balalar qamyrdy alaqannyń arasyna salyp jumsartamyz.
- Qamyrdy ekige bólemiz. Qamyrdyń bólingen bóligin alyp taǵy da ekige bólemiz. Bul bólshekterden domalatyp dóńgelek jasaımyz. Jup - jumyr bolǵansha deıin domalatamyz. Eń úlken dóńgelekti tańdap alyp, bul basy. Ortanshysy denesi, al eń kishkentaıy quıryǵy.
- Juldyzqurtta neshe kóz?
- Murtyn salaıyq, tikenderin salaıyq, aıaqtaryn salaıyq. Balalar juldyzqurttarymyzdy japyraqqa salyp aparaıyq.
- Nuradın seniń juldyzqurtyń qandaı tústi?
- Darıǵa al, seniń juldyzqurtyń qandaı tústi?
- Al senderge unady ma juldyzqurt?
- Maǵan da unady.
- Balalar sender oıyn oınaǵylaryn kele me?
Oıyn:
«Qońyzdar men órmekshiler»
Oıynnyń shartyn túsindirý: 1, 2, 3 dep sanaǵannan keıin myna sıqyr matanyń astynda qońyzdar men órmekshilerge aınalasyńdar. Keıin qaıtadan astyna kirip balalarǵa aınalasyńdar.

Qorytyndy
(Dostyq sheńberge turaıyq)
- Sabaq senderge unady ma?
- Nege kómek berdik?
- Neden músindedik?