InfoHub Logo

8 - synyp
Sabaqtyń taqyryby: Jumys kestesin avtomatty túrde pishimdeý. Kesteni baspaǵa shyǵarý.
Sabaqtyń maqsaty:
1. Bilimdilik: Jumys kestesiniń avtomatty túrde pishimdelýin úıretý.
2. Tárbıelik: Kestelerdi toltyrý joldaryn, kórkemdeý joldaryn úıretý.
3. Damytýshylyq: Kestelermen jumys jasaǵan kezde avtomatty pishimdeýdi paıdalaný.

Sabaq jabdyqtary: DK, proektr, úlestirmeli kartochkalar, slaıd, test.
Sabaq túri: Aralas.
Sabaq ádisi: túsindirý - baıandaý.
Sabaqtyń júrisi:

İ. Uıymdastyrý: Oqýshylarmen amandasyp, túgendeý, sabaqqa daıyndyqtaryn tekserý.
İİ. Úı tapsyrmasyn tekserý: Qaıtalaý suraqtary – slaıd, SIN Kaz boıynsha suraqtar qoıý.
İİİ. Jańa sabaq:
Kesteniń pishimin ózgertý úshin, ıaǵnı baǵandardyń taqyryptarynyń astyn syzý, kesteniń búıir jaqtaryn syzyqpen bólip alý úshin avtomatty túrde pishimdeý operasıasy qoldanylady.
Avtomatty túrde pishimdeý úshin Pishim mázirindegi Ózpishimdegishti qoldanamyz. Ózpishimdegish jetesi kestedegi málimetti kásibı ázirlengen qalpy boıynsha pishimdeýge kómektesedi. Ózpishimdegish kómegimen joldar men baǵandar taqyryptaryn, qosyndylardy jáne bettiń basqa da elementterin ereksheleýge bolady. Osydan keıin túrli tústermen ereksheleý, quıyp boıaý qosý jumys paraǵyn kórneki de tartymdy etedi.
Ózpishimdegishti kóp deńgeıli taqyryptary jáne qorytyndylary bar nedáýir kúrdeli kestelerge qatysty qoldaný usynylmaıdy.
Eger, sizdi ózpishimdeý nátıjeleri qanaǵattandyrmasa, ózgertýdi ońaı boldyrmaı tastaýǵa bolady. Standartty quraldar ústelindegi Boldyrmaý batyrmasyn basamyz.
Kesteni bezendirý kezinde ózpishimdegish jetesin qoldaný úshin myna áreketterdi oryndaımyz.
1. Kesteni bólekteımiz,
2. Pishim mázirinde ózpishimdi tańdaımyz,
3. Alynǵan Ózpishimdegish suhbat terezesinde bezendirý mázirin tańdap, Jaraıdy batyrmasyn basamyz.

Uıashyqtardy pishimdeý - bul olardyń syrtqy kórinisin bezendirý, sondaı – aq olardyń mazmunynyń málimetter pishimine túzetýler engizý. Uıashyqtardy pishimdeý úshin, qajetti uıashyqty erekshelep alyp, Pishimdeý quraldar ústeliniń batyrmalaryn paıdalanamyz nemese Pishim máziriniń Uıashyqtar ámirin iske qosamyz.
Excel baǵdarlamasynda Pishimdeý ústeliniń batyrmalary mátinge qatysty Word baǵdarlamasynda usynylatyn áreketterdiń barlyǵyn: qariptiń túsin, máneri men kólemin ózgertý, bólektengen uıashyqtardaǵy mátindi týralaý jáne t. b. qoldanýǵa múmkindik beredi.
Uıashyqtardy pishimdeýdi qarastyraıyq. Bul tásil mynadaı qosymshalardan turatyn Uıashyqtar pishimi suhbat terezesin ashady.

Uıashyqty pishimdeý túrleri:
1. San - uıashyqtar derekteriniń pishimin ózgertýge múmkindik beredi.
2. Týralaý – uıashyq mazmunyn týralaý parametrin belgileıdi.
3. Qarip - qarip parametrlerin belgileıdi.
4. Jıek - uıashyq jıekteriniń parametrlerin belgileıdi.
5. Áshekeıler – uıashyqtardyń boıalýyn belgileıdi.
6. Qorǵanys – uıashyqtardyń qorǵanysyn belgileıdi.
«Eki nemese birneshe uıashyqty biriktirgen kezde» olar bir uıashyqqa aınalyp, uıashyqtaǵy mátindi nemese órnekti pishimdeýdi ońaılatady.
Mysaly, taqyryp bir uıashyqqa syıatyn etý úshin keste taqyryby jolaǵyndaǵy birneshe uıashyqty biriktirý qajet boldy delik. Osydan keıin taqyryp mátinin biriktirilgen uıashyqta týra ortada ornalastyratyndaı etip týralaýǵa bolady. Ol úshin:
- Taqyrypty A1 uıashyǵyna jazý;
- Kestede bolady dep boljanyp otyrǵan baǵandar sanyna sáıkes uıashyqtar aýqymyn ereksheleý;
- Pishimdeý quraldar ústelinde uıashyqty biriktirý jáne ortada ornalastyrý pernesin basý kerek.

KESTELERDİ BASÝǴA SHYǴARÝ
Kesteniń bir danasyn basýǵa shyǵarý úshin standartty aspaptar panelindegi Pechat batyrmasyn shertý jetkilikti. Eger kesteniń qandaı da bir bóligin nemese birneshe danasyn basýǵa beretin bolsaq, onda:
1. Qujattyń basýǵa shyǵarǵymyz keletin bóligin belgileımiz;
2. Faıl → Pechat komandasyn oryndaımyz;
3. Pechat dıalogtik terezesinde qujattyń qandaı bóligin (belgilengen aýqym, belgilengen bet nemese jumys kitabyn tutasymen) shyǵarǵymyz keletinin, paraqtardyń aýqymyn ( únsiz kelisim boıynsha basýǵa barlyq paraqtar shyǵarylady) kórsetemiz;
4. OK pernesin shertemiz.

IV. Sabaqty qorytyndylaý:

A) Taqyryptyq test alý. Test 10 suraqtan turady.
Á) Deńgeılik tapsyrma: Kompúterde tapsyrma oryndaý.
İ deńgeı – Málimetterdi Excel baǵdarlamasynyń kestesinde jazý. Jalpy somasy uıashyǵyna esepteý nátıjesin jazý.
İİ deńgeı – Málimetterdi Excel baǵdarlamasynyń kestesinde jazý. Ózpishimdegishti qoldanyp, kesteniń kez kelgen túrimen pishimdeý.
İİİ deńgeı - Málimetterdi Excel baǵdarlamasynyń kestesinde jazý. Ózpishimdeýdi qoldanyp, kesteni kez kelgen túrimen pishimdeý. Kesteniń birneshe kóshirmesin alý.
B) Bekitý suraqtary - (slaıd)
1) Ózpishimdegish jetesi ne úshin qoldanylady?
2) Ózpishimdegishti qoldaný úshin qandaı áreketterdi oryndaımyz?
3) Uıashyqty pishimdeý úshin qaı áreketterdi oryndaımyz?
4) Uıashyqtar pishimi terezesinde uıashyqty pishimdeýdiń qandaı túrleri bar?
5) Daıyn kesteni baspaǵa berý úshin qaı áreketterdi oryndaımyz?

V. Baǵalaý.
VI. Úıge tapsyrma berý. Taqyrypty oqý, mazmundaý. Keste quryp kelý.