InfoHub Logo

Taqyryby: «Júregimde jaqsylyq»
Maqsaty: «Jaqsylyq» uǵymynyń adamgershilik qundylyqtary retindegi mánin ashý.
Bilimdilik: Ózara dostyq, «jaqsylyq» uǵymdary jóninde túsinik berý. Adam boıyndaǵy adamgershilik qundy qasıetter týraly túsinikterin keńeıtý, durys áreket jasaýǵa úıretý.
Damytýshylyq: Ózin jáne aınalasyn súıýge, jaqsy kórýge degen nıetterin oıatý, aınalasyndaǵylarǵa, qorshaǵan ortaǵa, tabıǵatqa degen qamqorlyq, jaqsylyq sezimderin qalyptastyrý jáne damytý.
Tárbıelik: Qorshaǵan ortaǵa jaqsylyq jasaı bilýge, jaqsy men jamandy ajyrata bilýge, súıispenshilikke, meıirimdilikke, rıasyz jaqsylyq jasaýǵa, aınalasyndaǵylarǵa qıanat jasamaýǵa tárbıeleý
Mindetteri:
- adam boıyndaǵy qundy qasıetter týraly túsinikterin keńeıtý;
- ózin jáne aınalasyn súıýge, jaqsy kórýge degen nıetterin oıatý;
- qorshaǵan ortaǵa jaqsylyq jasaı bilýge tárbıeleý
Kórneki quraldar: Interaktıvti taqta, slaıd, álippe dápter, jelim, kók qaǵaz, kórneki sýretter, dop, vıdeo kórinis, teledıdar, mýzyka.
Kútiletin nátıje:
Bilý: adamgershilik, súıispenshilik, jaqsylyq jaıly málimetterdi bildi.
Meńgerý: osy qasıetterdi boılaryna sińirip, meńgerdi.
Jasaı alý: bir - birlerine jaqsylyq, qamqorlyq jasaı aldy.

Júrý barysy:
- Qaıyrly kún balalar! Kúnimiz sátti bolsyn! Ádettegideı sendermen kezdesip turǵanyma qýanyshtymyn. Qarańdarshy, báriń sondaı qýanyshty, bir - birińe kúlip qarap, jaıdarly aqjarqyn bolyp tursyńdar, Senderdiń kózderińnen meıirimdiliktiń, jaqsylyqtyń, qamqorlyqtyń, súıispenshiliktiń belgisin kórip turmyn. Olaı bolsa sabaǵymyzdy jarqyn kóńilmen bastaıyq!
Sálemdesý! Jarqyrap kún ashyldy,
Kún nury túgel shashyldy.
Qaıyrly kún qonaqtar!
Biz ádepti balamyz.
Qaıyrly kún ustazym!
Biz kóńildi balamyz.
Mýzyka áýenimen «Atamnyń ósıeti» degen ánimen bastaý.
- balalar án ne týraly aıtylǵan?
- jaqsylyq, adamdarǵa qaıyrymdy bolý týraly.
-«Jaqsylyq» degendi qalaı túsinesińder?
- Jaqsy adam - ol qandaı adam?
- Adamdar bir - birine qalaı jaqsylyq jasaı alady?
Balalardyń jaýaptary tyńdalyp, tárbıeshi qorytyndylaıdy:
- Durys aıtasyńdar, balalar! Jaqsylyq degenimiz – aınala qorshaǵan ortaǵa, adamdarǵa degen qaıyrymdylyq, raqymdylyq, meıirimdilik tanytý, jaqsy is jasaý. Al osy aıtqan qaıyrymdylyq, izgilik, meıirimdilik sıaqty qasıetter boıynda bar adamdy – jaqsy adam deımiz. Al senderdiń barlyqtaryńnyń osyndaı jaqsy adam bolatyndyqtaryńa senemin.
Ózimmen – ózim: Trenıń ótkizý.
Endeshe, oń alaqanymyzdy júregimizdiń tusyna qoıyp, lúpildep soqqan kishkene júregimizdiń dúrsiline bir sát qulaq túrip túreıikshi.
- Júrekterińniń soǵysyn sezesińder me?
- Bizdiń júregimiz qandaı, ne dep soǵady eken?
- Meniń júregim qamqorshy.
- Meniń júregim jyly.
- Meniń júregim qýanyshty. (Balalardyń jaýaptary tyńdalady)
Áńgimeleý
Tárbıeshi Q. Kópishevtyń “Ózim júrem” áńgimesin balalarǵa oqyp beredi, áńgimeni slaıd arqyly kórsetý.
«Ózim júrem» áńgimesi. (Q. Kópishev)
Dáýren ákesimen kolhoz bazaryna bardy. Ákesi sábiz, jýa, sarymsaq, kartop satyp aldy.
- Áke, men alyp júreıin dorbany, - dedi Dáýren.
- Ákesi: “kótere almaısyń,” – dep edi, Dáýren kónbedi. Ol jylap ta aldy. Ákesi dorbany onyń qolyna bere qoıdy.
- Oı, oı…, áke, kótere almaımyn. Óziń alyp júrshi, - dedi Dáýren. Endi dorbany ákesi alyp júrip keledi. Dáýren ábden sharshady. Dáýrenniń sharshaǵanyn sezgen ákesi:
- Dáýrenjan, sharshasań, arqama mine ǵoı, - dedi.
- Joq, áke, ózim júremin. Júgiń aýyr ǵoı, - dedi Dáýren.
- Dáýren qandaı bala?
- Úılerińde úlkenderge qalaı kómektesesińder?

Balalardyń jaýaptary tyńdalyp, tárbıeshi qorytyndylaıdy.
Dáıeksóz.«Naǵyz adamdyq - óz oıyn men isin jaqsylyqqa baǵyttaıdy» degen naqyl sózdi sabaqtyń dáıek sózi retinde túsindiredi.
-«Naǵyz adamdyq - óz oıyn men isin jaqsylyqqa baǵyttaı alý» degen naqyl sóz óte orynda aıtylǵan. naqyl sózde aıtylǵandaı kúndelikti ómirde árbir isimizdi, nıetimizdi tek jaqsylyqqa baǵyttaı alsaq, bizdi qorshaǵan orta, týǵan jerimiz kórkeıip, týǵan - týystarymyz, dostarymyz ózderin baqytty sezinetini sózsiz.