InfoHub Logo

Júregimde jaqsylyq
Bilim berý salasy: Ózin - ózi taný
Uıymdastyrý oqý is - áreketiniń túri: Áleýmettik orta
Maqsaty: "Jaqsylyq" uǵymynyń adamgershilik qundylyq retindegi mánin ashý. Balalardy « qamqorlyqqa», «ózine jáne ózgege» degen qamqorlyq uǵymdarymen tanystyrý, balalardyń sanasyna, ózine, jaqyn týystaryna, dostaryna degen qamqorlyq sezimin qalyptastyrý jáne damytý.
- Balalardy adamdarǵa, aınalasyndaǵylarǵa qamqor, kishipeıil, meıirimdi, qaıyrymdy bolýǵa úıretý;
Bilimdilik: ózara dostyq, «jaqsylyq» uǵymdary, adamgershilik qundylyqtary jóninde túsinik berý. Adam boıyndaǵy qundy qasıetter týraly túsinikterin keńeıtý.
Damytýshylyq: Ózin jáne aınalasyn súıýge, jaqsy kórýge degen nıetterin oıatý.
Tárbıelik: Qorshaǵan ortaǵa jaqsylyq jasaı bilýge tárbıeleý.
Tehnologıalyq qamtamasyz etý: Interaktıvti taqta, slaıd, Akt qoldaný, Vıdeo: «Júrek soǵysy», Tynyshtyq sáti: «Nurǵa bólený», Úlestirmeli sýretter, Vıdeo sújet: «Jaqsylyq jandy jadyratady», Jaqsylyq tamshysy, Karaoke án: «Dostar»
Oqý is - áreket júrisi: Balalar tárbıeshimen birge sheńber quryp turady. Farıza Ońǵarsynovanyń «Dostar» óleńin karaoke arqyly tyńdap, tárbıeshimen birge qosylyp aıtady.
Áńgimelesý:- Balalar, bul óleń ne týraly aıtylǵan?
- Balalar: Óleńde dostyq týraly aıtylǵan.
- Tárbıeshi:- Jaqsy bolý degendi qalaı túsinesińder?
- Balalar: Aıtqandy tyńdaý, úlkendi syılaý, kishige qamqor bolý.
- Dılnaz: Meıirimdi, qaıyrymdy, izgilik sıaqty qasıetteri boıynda bar adamdy - jaqsy adam deımiz.
- Tárbıeshi:- «Jaqsylyq»degen sózdi qalaı túsinesizder?
- Aızere: Jaqsylyq jasaý degenimiz ózderiń aıtqandaı adamdarǵa, aınalaǵa, tabıǵatqa, qaıyrymdylyq pen qamqorlyq jasaýdy, kómek kórsetýdi bildiredi. Adamdardyń bir - birine jıi jaqsylyq jasaýy olardy jaqyndastyrady, dostastyrady. Olardyń bir - birine degen syılastyǵy artady. Jaqsylyq jasaý - adam boıyndaǵy asyl qasıetterdiń biri. Jaqsy adam qol ushyn berýge, járdem etýge, janashyrlyq tanytýǵa, kómek kórsetýge, qoldaý jasaýǵa árdaıym daıyn turady. Rıasyz jaqsylyq jasaý - bıik adamgershiliktiń belgisi.
Tárbıeshi:- Durys aıtasyńdar balalar. Ózi jaqsy adamnyń aınalasy barlyq ýaqytta da, jaqsylyqqa toly bolady. Ol jaqsylyqqa toly ortada ózin erekshe baqytty sezinedi. Óıtkeni ony adamdar, aınalasy jaqsy kóredi, syılaıdy, onymen dostasqysy keledi. Osyndaı jetistikterge ol óziniń jaqsy isteri, jaqsylyqtary arqyly jetti. Sondyqtan halyq:«Jaqsynyń jaqsylyǵyn aıt, nury tasysyn»,- deıdi. Men de senderdiń jaqsylyqtaryń, jaqsy isteriń týraly jıi aıtqym keledi. Sender de óz dostaryńnyń jaqsylyqtaryn maqtan tutasyńdar. Sol sebepti shamamyz jetkenshe, qolymyzdan kelgenshe adamdarǵa, aınalaǵa jaqsylyq jasap júreıik. Óıtkeni jasaǵan jaqsylyq zaıa ketpeıtini, onyń sharapaty ózińe, jaqyndaryńa, tipti elińe tıetinin sender de jaqsy bilesińder. Alǵysqa bólenip, rızashylyqqa kenelesińder.
- Adamdar bir - birine qalaı jaqsylyq jasaı alady?
- Al ózderiń she?
- Men anama kómektesemin!
- Men inimdi, bópemdi oınatamyn, jylasa jubatamyn.
- Balalar búgin bizder «Altyn júrek» qalashyǵyna saıahatqa shyǵamyz. Ol elge
barý úshin óz júregimizdiń qandaı ekenin bileıikshi.
Tárbıeshi: -. Qane, oń alaqanymyzdy júregimizdiń tusyna qoıyp, lúpildep
soqqan kishkene júregimizdiń dúrsiline bir sát qulaq túrip kӛreıikshi.
Interaktıvti taqtadan: «Júrek dúrsili» vıdeo sújet kórsetiledi.
- Júrekterińniń soǵysyn sezesińder me?
- Bizdiń júregimiz qandaı, ne dep soǵady eken?
Gúlnaz:- Meniń júregim meıirimdi!
Bekjan:- Meniń júregim qamqorshy
Abýlhaıyr:- Meniń júregim jyly!
Aıarý:- Meniń júregim qýanyshty!
Mýnıra:- Meniń júregim adal!
Dılnaz:- Meniń júregim sezimtal!
Arýjan:- Meniń júregim názik!
Gúlsezim:- Meniń júregim - ádil!
Islam: Meniń júregim - shynshyl!
Aızere: Meniń júregim - ádemi!
Nurasyl: Meniń júregim - ádepti!
Aıym: Meniń júregim - qushtarlyqqa toly!
Dýlat: Meniń júregim - baýyrmal!
Tárbıeshi:- Balalar, qazir orys halqynyń uly jazýshysy L. N. Tolstoı atamyzdyń «Katá men Masha» Áńgimesin tyńdap kóreıik. Al Ásemaı men Arýjan bul áńgimeni bizge sahnalap beredi.
Áńgimeleý. «Katá men Masha» L. N. Tolstoı.
Katá ertemen sańyraýqulaq terýge ketti. Mashany da ertip aldy. Masha kishkentaı edi. Joldarynda ózenshe bar edi. Katá Mashany arqalady. Ózi shulyǵyn sheship aldy da, sýmen júrdi.
- Myqtap otyr. Masha, biraq meniń moınymdy qyspa. Qolymdy bosat, áıtpese men dem ala almaımyn. Sóıtip Katá Mashany alyp shyqty.
- Katá qandaı qyz?
- Sender de óz ini-qaryndastaryńa qalaı qamqorlyq kórsetesińder?
Balalar: Katá jaqsy qyz. Aqyldy, qamqorshy, meıirimdi qyz.
Abýlhaıyr: Men bópemdi oınatamyn.
Bekjan: - Men qaryndasym jylasa jubatam.
Qandaı dáıeksóz bilemiz?

Dáıeksóz
Bekjan:«Naǵyz adamdyq - óz oıyń men isińdi jaqsylyqqa baǵyttaı alý»Iaǵnı kúndelikti ómirde árbir isimizdi, nıetimizdi tek qana jaqsylyqqa baǵyttaı alsaq, bizdi qorshaǵan orta, týǵan jerimiz kórkeıip, baýyrlarymyz, dostarymyz ózderin baqytty sezinedi.
Aıym: «Jaqsylyq jasaý da – baqyt...»
Tárbıeshi: Jaqsylyq týraly qandaı taqpaq bilemiz? Kim aıtady?

Dılnaz: Jaqyndy dosty aıala,
Qanattyń sonda talmady.
Baryńdy jurttan aıama,
Jaqsylyq jerde qalmaıdy.

Aıarý: Jaıdary júzben jarqyra,
Qatygez bolý - sol qaıǵy.
Qaıyrymdy bol halqyńa,
Jaqsylyq jerde qalmaıdy.

Tynyshtyq sáti. «Nurǵa bólený»
Yńǵaılanyp otyryńyzdar, denelerińizdi túzý ustańyzdar. Aıaq - qolyńyzdy aıqastyrmańyz. Qolyńyzdy tizeńizge qoıýǵa bolady. Kózderińizdi jumýlaryńyzdy ótinemin. Elestetip kórińiz: Kún nury sizdiń tóbeńizden ótip, keýdeńizge qaraı boılap barady. Keýdeńizdiń orta tusynda gúl túınegi ornalasqan. Gúldiń túınegi nurdan baıaý ashylyp keledi. Balǵyn jáne taza ásem gúl sizdiń ár oıyńyzdy, ár sezimińizdi, emosıańyz ben tilek - qalaýyńyzdy shaıyp, júregińizdiń qaýyzyn ashty. Nur sáýlesi sizdiń boıyńyzǵa aqyryn taraı bastady. Ol birtindep kúsheıe túsýde. Oımen osy nurdy qoldaryńyzǵa túsirińiz. Sizdiń qoldaryńyz nurǵa bólenip, sáýle shashýda. Qolymyz tek jaqsy, izgi ister isteıdi jáne barshaǵa kómektesedi. Nur aıaqtaryńyzǵa tarady. Aıaqtaryńyz nur sáýlesin shashýda. Olar sizdi tek jaqsylyq jasaý úshin jaqsy jerlerge aparady. Olar nur men mahabbat quralyna aınaldy. Odan ári nur sizdiń aýzyńyzǵa, tilińizge tarady. Tilińiz tek shyndyqty jáne jaqsy, izgi sózder ǵana aıtady. Nurdy qulaqtaryńyzǵa baǵyttańyz, qulaqtaryńyz tek jaqsy sóz ben ásem áýendi ǵana estıdi. Nur kózderimizge de jetti, kózimiz tek jaqsyǵa qarap, bárinen jaqsylyqty ǵana kóredi. Sizdiń basyńyz túgeldeı nurǵa bólenip, basyńyzǵa tek izgi, sáýleli oı keledi. Nur birte - birte qarqyn jáne shuǵylana bastaıdy, sizdiń deneńizden shyǵyp, jan - jaǵyńyzǵa sáýle shashady. Osy nurdy týysqandaryńyzǵa, apaılarǵa, ata - anamyzǵa, dostaryńyzǵa baǵyttańyz. Nurdy ýaqytsha túsinispeı, renjisip júrgen adamdarǵa da baǵyttańyz, olardyń da júregi nurǵa tolsyn. Osy nur búkil álemge: barlyq adamdarǵa, jan - janýarlarǵa, ósimdikterge, barlyq tiri janǵa taralsyn… Ǵalamnyń barlyq túpkir - túpkirine nur baǵyttańyz. Oısha aıtyńyz: «Men nurlymyn… Nur meniń ishimde… Men Nurmyn». Osyndaı Nur, Mahabbat jáne Tynyshtyq kúıinde otyra turyńyz…Endi osy Nurdy júregińizge ornalastyryńyz. Nurǵa toly búkil álem sizdiń júregińizde. Ony osyndaı ásem qalypta saqtańyz. Jaımen kózińizdi ashýǵa bolady. Rahmet.
«Júregimde jaqsylyq». (Sýret boıynsha áńgimeletý)
Balalar aldaryndaǵy sýretti áńgimelep beredi.

Dıdaktıkalyq oıyn: «Iá, joq»
Men bárine árqashan,
Kómektesýge daıynmyn
Osyndaı is bolǵanda
Men árqashan deımin ıá - ıá - ıá!
Úlkenderdi syılaımyz ba?
Aǵash otyrǵyzamyz ba?
Anamyzǵa kómektesemiz be?
Balalardy uramyz ba?
İnimizdi kıindiremiz be?
Mysyqty tamaqtandyramyz ba?
Qusqa jem salamyz ba?
Aýany lastaımyz ba?
Gúlge sý quıamyz ba?
Uıany buzamyz ba?
Jaqsylyq jasaımyz ba?

Qımyldy oıyn: «Kóleńke»
Vıdeo sújet: «Jaqsylyq jandy jadyratady»
Júrekten júrekke: «Jaqsylyq tamshysy» Balalar qoldaryndaǵy tamshyny ǵajaıyp sóz aıtyp taqtaǵa iledi.
Tárbıeshi: Mine, bizdiń jaqsylyq tamshylarymyz úlken teńizge aınaldy. Bireýge jasaǵan kishkentaı jaqsylyqtyń ózi osyndaı úlken jaqsylyqqa aınalady.
Tárbıeshi:- Biz «Altyn júrek» qalashyǵynda ne úırendik?
Balalar: Jaqsylyq jasaýdy úırendik.
Tárbıeshi: Jaqsy sóz – jaqsy tilek,
Bolaıyq izgi nıetti.
Jaqsylyq oılap kisige,
Tileıik úlken – kishige – dep tamasha sózdermen «Jaqsylyq jasaǵan baqyt» - dep aınalańa jaqsy ister jasap, qýantsań, kóńilin árdaıym qýanyshqa tolyp,
baqytty bolasyń. Árdaıym júregimizde meıirimdilik pen jaqsylyq bolsyn!

Atyraý qalasy,
KMQK №25 «Erkemaı» balabaqshasy.
Ýmbetalıeva Laılım Mahanbetovna
Ortańǵy top tárbıeshisi