InfoHub Logo

Fransýz jazýshysy Balzak «tórtinshi bılik» dep baǵa bergen buqaralyq aqparat quraldary qazirgi tańda qoǵam men mádenıettiń ajyramas bólshegi. HHI ǵasyr, qazirgi zaman - aqparattyq soǵys dáýiri. Sebebi, aqparat - qazirgi kezdegi kundy dúnıe. Al jýrnalısıka - salasy barlyq baǵyttyń aıalyq bilimin talap etetin qundylyqqa toly mamandyq. Jýrnalısıkanyń damý jolynda joǵary oqý oryndarynyń mańyzy zor. Óıtkeni saýatty, joǵary kvalıfıkasıalanǵan mamandar ózderiniń osy joldaǵy alǵashqy irgetastaryn bilim oshaqtarynda qalaıdy.

HATÝ ýnıversıteti - memleket boıynsha jýrnalısıka jáne reporter isi mamandyǵy boıynsha aldynǵy qatardaǵy oqý oryndarynyń biri. Olaı deýge naqty dálelder barshylyq. Halyqaralyq aqparattyq -tehnologıalar ýnıversıteti dep atynyń ózinde aıtylyp turǵandaı, bul bilim ordasynda IT - jýrnalısıkaǵa basty kóńil bólingen. IITU-da medıadaǵy praktıkalyq sabaqtar kóptep júrgiziledi. Ýnıversıtet qabyrǵasynda júrip-aq elimizdiń tanymal BAQ redaksıalarynyń ishki ashanasymen tolyq tanysý múmkindigi bar sanaýly JOO-nyń biri - osy HATÝ.

Bul bilim oshaǵynda oqyǵanyma kóp bolmasa da, ózime kóp jańalyq ashtym dep aıta alamyn. Kúndelikti jarıalanyp jatqan aqparattardy saralaý, baǵalaýdy úırendim. Sonymen qatar, jýrnalıs, til mamany úshin mańyzdy dúnıe - saýattylyǵymdy arttyra bastadym. Meniń dál osy bilim ordasyn tańdaý sebebimniń biri - ol ýnıversıtettiń bitirip ketken shákirtterdi jumyspen qamtamasyz etý deńgeıi. Statısıka boıynsha stýdentterdiń barlyǵy derlik medıa salasynan óz oryndaryn tapqan. Stýdenttik ómir jaıly aıtatyn bolsaq, birden oıǵa HATÝ túsedi. Adam ómiriniń ystyǵy men sýyǵy qatar júretin kezeńiń dál osy ýnıversıtette ótkizýdiń ózi bir baqyt. Stýdentter úshin jumys jasaıtyn mekemeler, ár túrli taqyryptyq keshter, is-sharalar, tanymal telejúrgizýshiler men prodúserlermen iskerlik kezdesýler - osynyń bári stýdenttik ómirdiń boıaýlaryn qanyqtandyra túspek. Sonymen qatar, stýdentter de bir - birinen qamqorlyqtaryn esh aıamaıdy, árdaıym kómek qolyn sozýǵa daıyn turady. Bolashaq áriptesterimmen tájirıbıe almasý, rýhanı turǵyda qoldaý alý alǵa jyljýǵa jigerlendireri sózsiz.

Ótkenimizben salystyrǵanda qazirgi kezde jýrnalıserdiń arqasynda elde oryn alyp jatqan jaǵdaılar búkpesiz halyqqa jetkizilýde. BAQ-ta jarıa etilgen aqparat aýqymy áldeqaıda ósken, BAQ sany artqan. Qazir bir oblys emes ár qala jergilikti gazet baspasyna, telearnaǵa ıe.

JOO-ynda zamanýı BAQ- qa bet buryp, teorıa men qosa praktıkalyq turǵyda da mamandardy daıarlaıdy.  Bul jýrnalısıka salasyna osy kúnge deıin sińirilgen eńbektiń jemisi ekeni belgili. Qazirgi jastardyń jasap jatqan jumystaryna qarap, bolashaqta medıa baǵyty budan da bıik belesterdi baǵyndyra alatynyna senim mol.

Qasymbekova Asyljan

HATÝ stýdenti

---