InfoHub Logo

Sabaqtyń taqyryby: Jýsanda týǵan jerdiń ıisi bar.
Jýan jáne jińishke jup daýystylar
Sabaqtyń maqsaty:
a) bilimdiligi: oqýshylardyń jýan jáne jińishke jup daýysty dybystar boıynsha alǵan bilimderin
keńeıtý. Mátindi túsinip, oqýǵa jazýǵa daǵdylandyrý.
á) damytýshylyǵy: oıyn, rebýster arqyly izdenimpazdyq, shyǵarmashylyq qabiletin damytý.
b) tárbıeligi: Týǵan jerge súıispenshiligin arttyrý, rýhanı – adamgershilik qundylyqtarǵa tárbıeleý.
Kórnekiligi: Sýretter, rebýs sýretter, syzbalar, (slaıd)
Sabaqtyń ádisi: Kórnekilik, suraq – jaýap óz betimen toptyq jumys.
Pánaralyq baılanys: tarıh, beıneleý óneri, ózin – ózi taný páni

İ. Uıymdastyrý bólimi
İİ. Úı jumysyn tekserý.
Qastek Baıanbaıdyń «Eliń» atty óleńin oqyǵanda týǵan el týraly óleń joldaryn jazyp kelýdi tapsyrdym.
Ańsar degen oqýshym bylaı jazypty: « Meniń týǵan jerim óte ádemi. Aýyl Jaıyq ózeniniń jaǵasynda ornalasqan. Jaıyqtyń arǵy betinde toǵaı bar. Týǵan jerim ózime ystyq kórinedi.

Kóktoǵaıym týyp ósken mekenim
Sen dep soǵar keýdemdegi júregim
Ótip jatyr osynda balǵyn shaqtarym
Júregimnen aqtaryp jyr arnadym.

Jannur degen oqýshym óleń shyǵarypty.
Qurty da, qaımaǵy da, shubaty da
Qymyzy da, tarysy da bári aýylda
Uzap ketsem, sapar shegip alysqa men
Bári eske túsedi saǵynǵanda.

İ Baǵdarlaý - motıvasıalyq kezeń.

Operasıalyq - oryndaýshylyq kezeń.
İ Toppen jumys.
- Jańa taqyrypty bólikterge bólip ár topqa taratamyn.
İ top
Baıaǵy zamanda qazaqtyń Beıbarys degen ulyn soǵysqan eldiń adamdary ustap alyp, quldyqqa satyp jiberipti. Beıbarys búkil ómirin arab elinde ótkizipti. Qaıdan kelgenin esine túsire almapty.
İİ top
Beıbarys óziniń myqtylyǵynyń arqasynda áskerbasy dárejesine jetip, keıin patsha bolyp, Beıbarys sultan atanady.
İİİ top
Bir kúni Beıbarys sultan serýendep júrip ósip turǵan jýsanǵa kózi túsedi.
Julyp alyp ıiskeıdi. Jýsannyń jupar ıisi týǵan jerin esine túsirip, oǵan degen saǵynysh júregin tolqytady. Qazaqta: «Jýsanda týǵan jerdiń ıisi bar» degen osydan qalǵan eken.

İİ Oı qorytý.

- Balalar biz toppen jumys jasadyq. Top ujymdy quraıtyny belgili.
- Olaı bolsa, ujym bolyp búgin biz batyr babamyz týraly ne bildik?
- Úırengenimizdi ortaǵa salaıyq.
- Balalardyń oı-pikirlerin tyńdaımyn.

Evrıstıkalyq taldaý.
Balalardyń oı – pikirin tyńdaımyn.

Sergitý sáti
Týǵan jerdiń ıisin,
Sezdik jýsan shóbinen.
Bul ósimdik kıesin,
Kórdik jerdiń tórinen.
Taza aýamen tynystap,
Baqytty jas balamyz,
Bul jýsannyń ómiri,
Bizder úshin jyr - ańyz.

- Balalar biz ne sezdik?
- Jýsan ıisin...!
- Olaı bolsa bizdiń oqýlyqtaǵy 68 - jattyǵýdyń mazmuny da búgingi sabaǵymyzǵa sáıkes kelip tur.
- Jýsan qandaı ósimdik?
- Bizdiń elde óse me?

Tapsyrma: «Jýsan» toptastyrý arqyly ósimdikke sıpattama
bereıik.

Jumbaqty shesh.
... jasap býǵanym ne?
Órege keptirip jaıǵanym ne?
Qulaǵyn burap tartqanym ne?
Sáýkelege taqqanym ne?
Kelige túıip aqtadym ne?
Qolyma ıirip atqanym ne?

Rebýsty sheshý.
Sýrettegi at ataýlarynyń alǵashqy áripterinen sóz qurap jaz.
Sheshýi: Týǵan jer
Tapsyrma: Sózden jup daýystylardyń astyn syzý.
İİİ Refleksıalyq - baǵalaý kezeńi

Sabaqty qorytyndylaý.
Testi synaq baıqaýy arqyly (Tıistisin qoı: u - ú, y - i, a - á)
Jýan Jińishke
s... r s... r
s... n s... n
q... r q... r

Kóńildi mátinmen syrlasý: (jaı mýzyka áýenimen)
Egıpetteı alyp eldi bıledi,
Úlgi alardaı erlikteri kóp edi.
Saǵynǵanda týǵan jerin uly babam,
Jýsannyń ıisinen sezedi.
Beıbarystyń ómiri, júrgen jeri el ortasyndaǵy saǵynyshty kózqarasy týraly beıne klıp júrip turady.

Qorytyndylaý:
- Qorytyndylaı kele «qazaqta toqsan aýyz sózdiń tobyqtaı túıini bar»
degen ǵoı. Mátin men tarıhtaǵy birtýar babamyzdyń Atyraý perzenti ekendigin aıta kele, «Batyr eldiń ul - qyzyna laıyq, adal perzent bolaıyq!» degen tilekpen aıaqtaǵym keledi.
Úıge tapsyrma: Týǵan jer, Otan týraly maqal - mátel aıtý.
Baǵalaý.