InfoHub Logo

Taqyryby: «Qustardyń qysqy tirshiligi!»
Maqsaty:Qustardyń qysqy tirshiligi jáne qystaıtyn qustar týraly túsinik berý. Balalardyń logıkaly oılaýyn, tilin, sózdik qoryn, este saqtaý qabiletin damytý. Qustardy qorǵaýǵa, uıasyn buzbaýǵa tárbıeleý.
Kórnekiligi: Interaktıvti taqta.
Barysy:Uıymdastyrý kezeńi.
Alaqandy ashaıyq,
Kúnniń nuryn salaıyq.
Taza aýadan salaıyq,
Júrek jylýyn salaıyq
Meıirim shoǵyn salaıyq.
Jınalǵan osy shýaqty,
Dostaryma shashaıyq.
Muǵalim:
Shanamen syrǵyp jeletin
Shańǵy kónkı tebetin.
Aqqala jasap oınaıtyn,
Qaı mezgil dep oılaısyń?
Balalar:Qys mezgili.
Muǵalim: - Qys mezgiliniń erekshelikteri qandaı?
- Qys mezgiliniń aılaryn kim atap bere alady?
- Qazir qaı aı?
- Qys mezgilinde qandaı oıyn túrlerin bilesińder?
- Qys týraly qandaı taqpaqtar bilesińder?
Sýret boıynsha áńgime quraý.
Muǵalim: Óte jaqsy balalar, endi «Jaqsy, jaman» degen oıyn oınaıyq.
Maqsaty: Jaman ádetterden aýlaq bolýǵa, jaqsy-jamandy ajyratyp, qorshaǵan ortaǵa qamqor bolýǵa tárbıeleý.
Qoıylǵan suraqtarǵa balalar daýystap «jaqsy», «jaman» dep jaýap beredi.
Muǵalim:- Aǵashtyń butaǵyn syndyrý jaqsy ma?
- Gúlderge sý quıý jaman ba?
- Dostaryńdy renjitken jaqsy ma?
- Úlkenge kómektesý jaqsy ma?
- Qustarǵa uıa jasaý jaman ba?
Muǵalim:Mine tamasha, balalar, neniń jaqsy, neniń jaman ekenin durys aıttyńdar.Búgingi sabaǵymyzda qustardyń qysqy tirshiligi týraly áńgimelesemiz.
Qustar eki topqa bólinedi:jabaıy qustar jáne úı qustary.
Jabaıy qustar:saýysqan, japalaq, qarlyǵash, qyzǵysh qus, sarǵaldaq, qarǵa, aqqý,
bulbul, degelek, qoqıqaz, qyrǵaýyl, toqyldaq t.b.
Úı qustary:taýyq, úırek, qaz, kúrketaýyq.

Qustardyń tabıǵatqa keltiretin paıdasy kóp. Olar ósimdikterdi, aǵashtardy zıandy jándikterden, qurttardan tazartady.
- Úı qustarynyń qandaı paıdasy bar?
- Durys aıtasyńdar úı qustarynyń paıdasy óte kóp.Olardyń etin jeımiz, júninen
kórpe, kópshik jasalady.
Qys mezgilinde kóp qustar jyly jaqqa ushyp ketedi. Al keıbir qustar qystap qalady.
- Qystaıtyn qandaı qustardy bilemiz?
- Saýysqan, torǵaı, kógershin, qarǵa.
- Durys aıtasyńdar, bular sýyqtan qoryqpaıdy, qysta óz qorekterin taýyp jeıdi. Olarǵa jem shashyp, uıa jasap qamqor jasaý kerek. Bizdiń mektebimizdiń aýlasynda da qustarǵa uıa jasap qoıǵan.
Oıyn: «Qustar qalaı dybystaıdy?»
Sergitý sáti:1, 2, 3, 4 qarlyǵash bop ush,
5, 6, 7 qarlyǵash bop shalqy,
8, 9, 10 qarlyǵash bop qon.

Oıyn: «Ne artyq?»
Jumbaq: Kóldiń kórki sán eken
Ushqanda sazdy án eken
Aqyndar ony maqtaǵan,
Adamdar qorǵap saqtaǵan
Ol qandaı qus balalar? (Aqqý)

Aýyl da, qala da mekeni
Jolaýshy júrsek shyǵaryp salady,
Aldyńnan shyǵady
Janyńdy erkeletedi. (Qarlyǵash)

Rebýs: Taý – yq.
Qorytyndy: Balalar, biz búgin ne týraly áńgimelestik?
Sabaq unady ma?
Balalardy madaqtaý, baǵalaý.