InfoHub Logo

Sabaqtyń taqyryby: «Júzden júırik, myńnan tulpar»
Maqsaty:
Bilimdilik: Oqýshylardy kópshilik aldynda erkin sóıleýge úıretý arqyly oılaýyn, sóıleý tilderin jetildirý.
Damytýshylyq: Oqýshylardyń logıkalyq oılaý qabiletin, belsendiligin arttyrý.
Tárbıelik: Uıymshyldyqqa, dostyqqa, bilgirlikke, shapshańdyqqa tárbıeleý.
Sabaqtyń túri: saıys sabaq
Kórnekiligi: úlestirmeli qaǵazdar, ınteraktıvti taqta

1. Uıymdastyrý.
Maral:
Armysyzdar qadirli qonaqtar, ustazdar jáne oqýshylar! Uly Abaı atamyz aıtqandaı «Súıer ulyń bolsa sen súı, súıinerge jarar ol»- dep keleshek urpaqqa berer taǵylymy mol, izder qaldyrǵan. Olaı bolsa búgingi saıysymyzda ózimizdi jańasha qyrynan kórsetip, jaqsy atsalysaıyq.
Al kelińder, kelińder,
Birińe - biriń erińder
Bilimińdi tekserip,
Oıynǵa qatysyp kórińder,- deı otyryp, «Júzden júırik, myńnan tulpar!» atty zıatkerlik saıysymyzdy bastaımyz.
Maral:
Bilmeımin dep qysylma,
Talabyń bolsa boıyńda.
Ónerliniń yrysy
Jarqyrap jatyr boıynda – deı kele, toptarymyzdy ortaǵa shaqyraıyq.
Toptarymyzdy tanystyryp óteıik.
İ top «Alǵyrlar»
İİ top «Bilimdiler»
Toptar ózderin tanystyrady, ıaǵnı toptyń atyn qorǵaý.
1top «Alǵyrlar»
Urany:
Jarys dese janamyz
Búgingi kún jarysta alǵyrlyqpen alamyz.
Sálemdesýi:
Qıyndyqtan sirá da biz qashpaımyz
Alǵyrlyq pen tapqyrlyqty ushtaımyz
Qıalarǵa samǵap ushqan qustaımyz
Sheginbeımiz jeńisterge bastaımyz

2 - top. «Bilimdiler»
Urany:
Bilikti birdi jyǵady
Bilimdi myńdy jyǵady
Sálemdesýi:
Biz daıynbyz bul saıysqa dostarym
Kórsetemiz bizde qandaı kúsh baryn
Alǵa qoıǵan maqsatymyz bir eken
Sátti bolsyn saparymyz árdaıym.

Qurmetti ustazdar, oqýshylar! Búgingi saıysymyzda júzden júırik, myńnan tulpar bir topty anyqtaımyz. Saıystyń kezeńderinen súrinbeı ótken top jeńimpaz atanady. Endeshe sizderge sáttilik! Endi sizderdi saıystyń kezeńderimen tanystyryp óteıin.

İ. Oı júgirtý.
İİ. Kósemdikke umtylý.
İİİ. Ǵajaıyp sýret.
İÚ. Sheshimin tap!
Ú. Polıglot.
Ú İ. Kim tapqyr?
Ú İ İ. Bilimińdi shyńda.
Maral:
Shyn júırikter synalady jarysta,
Jarystyń ba, orta jolda qalyspa!
Baǵalaıdy ádilqazy sizderdi.
Jeńis máre jaqyn ba álde alys pa? – dep, osy saıysqa ádil baǵa beretin ádilqazylar alqasyn tanystyryp óteıin.

Maral:
Al kelińder, kelińder!
Durys jaýap berińder.
Bilimińdi tekserip,
Saýdalasyp kórińder.
Syrlary kóp bilimniń
Sheshilmegen áli de.
Tereńdigi bilimniń
Kerek eken bárine.

İ kezeń «Oı júgirtý»
Munda oqýshylar pánder boıynsha suraqtarǵa tez ári shapshań jaýap beredi.
1top «Alǵyrlar»

1. Bir aıda neshe apta bar? (4 apta)
2. Dybystar neshe topqa bólinedi? (daýysty, daýyssyz)
3. Zattyń atyn bildiretin sóz taby? (zat esim)
4. Azaıtýdyń nátıjesi qalaı atalady? (aıyrmanyń máni)
5. Qosýdyń komponentterin ata. (qosylǵysh, qosylǵysh, qosyndynyń máni)
6. Qosýǵa keri amaldy ata. (azaıtý)
7. Bir jylda neshe kún bar? (365 – 366)
8. Estý múshesi ne? (qulaq)
9. Kórý múshesi. (kóz)
10. Iis sezý múshesi? (muryn)
11. Dám sezý múshesi. (til)
12. «Kel, balalar oqylyq» óleńiniń avtory kim? (Y. Altynsarın)
13. Abaı Qunanbaevtyń qandaı óleńderin bilemiz? (Ǵylym tappaı maqtan ba?, Jazǵytury. T. b)
14. Qazaqstannyń tuńǵysh ǵaryshkeri kim? (Toqtar Áýbákirov)
15. Tórt buryshta tórt mysyq otyr, árqaısysynyń aldynda úsh mysyqtan otyr.
Bólmede neshe mysyq otyr? (4)
16. Bir jylda neshe aı bar? (12 aı)
17. Ulystyń uly kúni. (22 – naýryz)
18. Uzyndyqtyń ólshem birlikterin ata. (sm, dm, m, km)
19. 12 – sáýir qandaı meıram? (ushqyshtar kúni)

2 - top. «Bilimdiler»
1. Zattyń qımylyn bildiretin sóz taby. (Etistik)
2. Taý jynystary degenimiz ne? (Jer qyrtysyn toltyryp jatqan deneler jer qyr - y dep atalady
3. Kóptik jalǵaýlaryn ata. (- lar, - ler, - dar, - der, - tar, - ter)
4. 720 – ny 9 ese kemit. (80)
5. Bólýdiń komponentterin ata. (bólingish, bólgish, bólindiniń máni)
6. Bos taý jynystaryn ata. (qum, saz)
7. Sóz quramy neden turady? (túbir men qosymshadan)
8. Kólemniń ólshem birligi jáne neshe ólshemi bar? (kýb sm, úsh ólshemi bar. Uzyndyq, eni, bıiktik)
9. Paıdaly qazbalar degenimiz ne? (Jerden qazyp alyp, qajetine jumsalatyn taý jynystary p/q d. a.
10. Sýdyń neshe kúıi bar? Ata (bý, suıyq, muz)
11. Kez kelgen san men 0 – diń kóbeıtindisiniń máni nege teń? (0 - ge)
12. Túbir sózge jurnaq qosylý arqyly jasalǵan sóz. (týyndy sóz)
13. Kez kelgen sandy nólge bólgende neshe shyǵady? (sol sannyń ózi)
14. Sóılem túrlerin ata. (suraýly, lepti, habarly sóılem)
15. Bólý men kóbeıtý qandaı amaldar? (ózara keri amaldar)
16. Eki shahmatshy 2 saǵat shahmat oınady.
Bir shahmatshy neshe saǵat oınady? (2 saǵat)
17. Kimniń shashyna jaýyn jaýǵanda múldem sý tımeıdi? (tazy)
18. Paıdaly qazbalar neshege bólinedi? ata. (janǵysh, kendi, kenge jatpaıtyn)
19. Janǵysh paıdaly qazbalardy ata. (gaz, munaı)

İİ kezeń «Kósemdikke umtylý»
«Maqal – sóz máıegi» degendeı, bul kezeńde oqýshylar berilgen taqyrypta maqal – mátel jarystyrady. Qane, qaı top kóp maqal biledi eken. Beriletin taqyryptar:
Otan, týǵan jer, týǵan el, atameken.
Oqý, bilim.
Erlik, batyrlyq.
Dostyq, joldastyq.

İİİ kezeń «Ǵajaıyp sýret»
Ushqyr oıǵa serik bolsyn sheberlik,
Bul kezeńdi ǵajaıypqa berelik.
Aramyzda tapqyr dostar kóp eken,
Solardy endi jarystyryp kórelik! – dep, munda oqýshylar beti jabyq turǵan sýrettiń bir bóligin ashyp, qalaǵanyn tabý kerek.
Báıterek. Memlekettik tý.

Maral:
Esepteýge júırik bolsań jasyńnan,
Matematıkaǵa oryn berseń basyńnan.
Barlyq ǵylym soǵan úıir bolady,
Dosyń solar tabylatyn qasyńnan.

İÚ kezeń «Sheshimin tap!»
Munda oqýshylarǵa keste beriledi, sol kesteni oryndaıdy. Qaı top tez ári qatesiz oryndasa, sol top jeńimpaz bolady.