InfoHub Logo

Bir jyldary Jırensheniń áıeli óledi. «El qulaǵy elý» degen emes pe. Pálensheniń aýlynda bir shaldyń qyzy bar, ózi sulý, ózi aqyldy, sheshen, tapqyr degenge izdep shyǵyp, shaldyń aýlyna jaqyndaı bergende tabytqa salyp apa- ra jatqan adamdy kóredi. Jırenshe de solardyń sońynan ere beredi. Bir aqsaqaldy shaldyń qasyna kep: «Áke, mynaý ólgen adam ba, joq tiri adam ba?» — dep suraıdy. Shal
Jırenshege jekip «tiri adamdy tabytqa sala ma eken?» dep ursyp tastaıdy. Jırenshe onymen qoımaı pisip turǵan bıdaıdyń janynan óte bergende «Áke, mynany adam jeı me, joq pa?» dep shaldan taǵy suraıdy. Shal «jeıtin nanyńdy bilmeıtin qandaı sorlysyń» dep burynǵydan da góri batylyraq sóıledi. Baǵanaǵy tabytqa salǵan adamdy kómip, jurt úıdi-úıine tarqaı bastaıdy. Jırenshe manaǵy shalǵa:
«Sizdiń úıden sýsyndaýǵa bola ma?» deıdi. «Nege bolmasyn, shyraǵym» dep shal Jırensheni úıine kirgizip, tósek salyp otyrǵyzady da, dalada júrgen qyzyna: «Myna bir aqylynan adasqan jazǵan eken, sýsyndatyp jiber. Maǵan ólgen adamdy «áli tiri me» dedi. Pisip turǵan bıdaıdy «adam jeı me, jemeı me» dep suraıdy. Qandaı jazǵan ekenin qaıdam» deıdi. Sonda qyz turyp: «oı, áke-aı! Beker aıtasyz, ólgen
adamdy «tiri me, óli me» degen sózi — eger sol ólgen adamnyń artynda balasy joq bolsa, onda onyń ólgeni. Al, balasy bar bolsa, onda onyń ólmegeni. Pisip turǵan bıdaıdy «adam jeı me, joq, jemeı me» degen sózi — sol bıdaıdy ekken adamǵa buıyrsa jeı me, joq buıyrmasa da jeı me degen sózi ediń depti. Ákesi: «Shyraǵym, bu shirkinniń jumbaqtap sóılegenin men qaıdan bileıin» dep toqtalady.

Qyz turyp: «Sóziniń tórkini jaman eken, Jırenshe qý bolmasa jarar edi» depti. Jırenshe quda túsip, sol qyzdy alady. Qyzdyń aty Qarashash sulý edi, baıaǵy óziniń izdep shyqqan qyzy da sol eken.

 

---