InfoHub Logo

Buryn bireýdiń Káriboz degen júırigi bolypty. Káriboz qunanynan bastap qartaıǵanǵa deıin rýly eldiń ishinde bolǵan irili-ýaqty barlyq toıda aldyna at salmaǵan júırik atalady. Káribozdy kórip talaı toı ıesi báıgesin shappaı beripti. Káriboz qartaıyp, aljyǵan shaǵynda Saltorynyń ataǵy jaıylady. Saltory kómbeden at shyqqan jerde-aq, sýyrylyp aldyna shyǵyp, sol kúı shańyn kórsetpesten kósh boıy buryn keledi eken. Káriboz qyryq jasqa kelip, júrisinen jańylyp, qyrqyljyń tartqanda bir úlken toı bolyp, báıgege Saltory qosylady. Saǵymdaı sylańdap, shulǵyp basyp, aýyzdyqpen alysyp ketip bara jatqan báıge attaryn kórgen Káriboz óristený shapqan kúıi ıesiniń úıine keledi de, jabyqqa basyn salyp, tyqyrshyp turyp alady. «Qasıetti janýarym aljyǵan eken», dep oılaǵan ıesi Káribozdyń tyqyrshyǵyna tóze almaı: «Taǵy bir shaýyp kelgisi kelip tur ma?» deıdi de júgendep, bir balasyn mingizip, báıgege ketken qalyń attyń sońynan qoıa beredi. Úıden shyǵa quıǵyt jónelgen Káriboz ilezimde-aq báıge attardy qýyp jetip, qatarǵa qosylady. Attar mejeli jerge barǵannan keıin
qaıtarylady. Saltory daǵdyly ádetimen á degennen-aq oq boıy atylyp shyǵyp, kópke deıin aldyna at salmaıdy. osy sátte:

— Men bekerge jaryspan,
Men qalǵam joq jarystan.
Alyspan da, salyspan,
Saltorydan qalyspan, —

dep Káriboz da top ortada kele jatypty. Qyza shyqqan Káribozdyń qadamy qaryshtaı túsedi. Sóıtip, kómbeli jerge Káriboz Saltorydan buryn keledi de, kele sap pyshaqqa ilinedi. Toıǵa jınalǵandar «Qasıetti jylqy edi», — dep Káribozdyń etin bir-bir japyraqtan bólip alady.

---