InfoHub Logo

Baıaǵyda bir shal men kempir bolǵan eken. Olardyń Erketaı degen jalǵyz qyzy bar eken. Erketaıdyń botasynan ózi aq irimshik berip, erkeletip, úıretip asyraǵan taılaǵy bar eken. Erketaı oǵan Erkeatan dep at qoıǵan eken. Erketaı Erkeatannyń shýdasyna marjan tizip, aıdaryna, eki órkeshine úki taǵyp, basyna syldyrmaqty noqta kıgizip, jibekten órip buıda taqqan eken. Qyz ony kózinen tasa qylmaı baǵyp júredi eken. Erketaı Erkeatanymen oınap, ermek etedi eken. Shal men kempir elsizde otyrady eken. Bir kúni qyz úıinde keste tigip, aldanyp
otyryp qalypty. Álden ýaqytta Erketaıdyń Erkeatany esine túsip, dalaǵa shyqsa, kóz kórimde Erkeatan kórinbeıdi. Qyz qarap taba almaı, jez óksheli kebisin qolyna alyp, aldyndaǵy taýdyń basyna júgirip shyǵady. Sol kezde sýǵa jyǵylyp jatqan Erkeatanyn kórip qasyna keledi. Biraq batbaqqa batyp qalǵan Erkeatandy qyz turǵyza almaıdy. Qaıta júgirip taýǵa shyǵyp, ákesine: «Erkeatan sýǵa jyǵyldy, arqan ákel, áke-ke!» — dep, qyz aıǵaılaıdy. Alystaǵy ákesi estı qoımaıdy. Sóıtip turǵanda qyzdyń kózine qara atty, tory atty eki jolaýshy túsedi. Endi qyz solarǵa: «Qara atty men tory atty, toqta, toqta!»— dep aıǵaılaıdy. Mine, qyzdyń osy aıǵaılap aıtqanyn dombyrashylar kúı etip tartady. Muny «Erkeatan kúıi» deıdi.

 

---