![Kásipkerlerge arnalǵan «E-commerce Meet UP» ótti](http://infohub.kz/uploads/thumbnail/20240120114230466_big.jpg)
- 19 qaz. 2018 00:00
- 344
Kásipkerlerge arnalǵan «E-commerce Meet UP» ótti
16 qazan kúni Astana qalasynda «Qazposhta» AQ-nyń uıymdastyrýymen elektrondy saýdamen aınalysatyn kásipkerler úshin «E-commerce Meet UP» ótkizildi.
Sharany ótkizýdegi basty kózdelgen maqsat elimizdegi elektrondy saýdany damytyp, mańyzyn joǵarylatý.
«Qazposhta» AQ elektrondy saýda departamentiniń dırektory Mustafın Sultannyń aıtýynsha negizgi mindet elektrondy saýdamen aınalysatyn seriktesterdi iske shaqyrý, osy arqyly elektrondy saýda naryǵyn alǵa shyǵarý. Bul ortalyqta elektrondy saýdamen aınalysqysy keletin kásipkerge barlyq jaǵdaı jasalǵan.
«Bul jalpy aıtqanda ınternet bıznespen aınalysatyn kásipkerlerge qyzmet kórsetý bólimshesi. Qazposhta árdaıym bul júıeni logıstıka retinde usynyp otyrdy. Endi biz naqty bıznesti damytýǵa bel býdyq. Iaǵnı ózimiz emes, kerisinshe osy salada jumys jasaýǵa qulshynys bildiretin kásipkerlerdi tartý arqyly. Dálirek aıtsam ózgelerdi tartý arqyly Qazaqstandaǵy elektrondy saýdanyń órkendeýine úles qosý», – dedi Mustafın Sultan.
Sonymen qatar sharada atalǵan ortalyqtyń bilikti mamandary kásipkerlerdi óz qyzmetterimen tanystyryp, tereńdetilgen keńes alýǵa shaqyrdy.
«E-commerce ortalyǵynyń jumysy kásipkerlerge baǵyttalǵan. Biz sizderge kelesi qyzmetterdi usynamyz: ınternet markıtıngti basqarý, aýtsortıng býhgalteri, CRM júıesi, satý bólimi, onlaın satý boıynsha óz saıtyn qurý. Sizge yńǵaıly bolý úshin kórshi zalda mamandar otyrady jáne olar sizge keńes berýge daıyn», – dep habarlap ótti Astana qalasy boıynsha E-commerce jobasynyń jetekshisi Dúısenbaev Erkebulan.
Spıkerler ınternet marketıńke salystyrmaly taldaý jasap, semınarǵa qatysýshylardy negizgi uǵymdarmen tanystyrdy. Sondaı-aq landing page, ınternette taýarlardy satý qyzmeti, tıimdi online satýquraldary, target jarnamalarynyń qyr-syry týraly aqparatymen bólisti.