InfoHub Logo

Meniń tańdaýym ál-Farabı atyndaǵy qazaq ulttyq ýnıversıteti boldy. Men bul ýnıversıtettiń mehanıka-matematıka fakúltetine túsý úshin UBT dan 110 bal jınadym. Men qazir matematıkalyq jáne kompúterlik modeldeý mamandyǵynda oqyp jatyrmyn. Ál-Farabı ýnıversıtetiniń sabaq berý júıesin erekshe baǵalaımyn. Óıtkeni sabak berý tásili joǵary deńgeıde ekenin sezine aldym. Bul ýnıversıtetten naqty bilim alýǵa bolatynyna kózim jetti. Men úshin 1 shi semestr ońaı bolǵan joq, óz qıyndyqtary men jeńildikteri boldy. Mehanıka matematıka fakúltetinde oqý qıyn bolady dep estıtinmin. Biraq ol oqıtyn oqýshy úshin qıyn emes eken desemde bolady. Ýnıversıtet jaıly naqty toqtalyp ótsem.Onyń tarıhy jaıly jazaıyn, Qazaq ulttyq ýnıversıteti óziniń negizin 1934 jyly 15 qańtarda qalaǵannan bastap Qazaqstandaǵy bilim berý júıesiniń betke ustar kórki, ýnıversıtettik dástúrlerdiń, kásibı bilikti ǵylymı jáne pedagogıkalyq mektepterdiń bastaý – kózi boldy.

1937 jyly qyrkúıekte tórt jyldyq oqý júıesine negizdelgen tuńǵysh gýmanıtarlyq shet tilderi fakúlteti ashyldy. Bir jyldan keıin 120 stýdenti jáne quramynda orys tili men ádebıeti, aǵylshyn tili jáne fransýz tili tárizdi úsh kafedra bar fılologıa fakúlteti (oqý merzimi 5 jyldyq) ashyldy. Keıinnen shet tilderi fakúlteti de osy qurylymǵa qosyldy. Ýnıversıtette soǵys qarsańy jáne soǵystan sońǵy jyldary 23 kafedrasy bar úsh jaratylystaný (bıologıa, fızıka-matematıka, hımıa) jáne eki gýmanıtarlyq (fılologıa men jýrnalısıka fakúlteti) fakúltet jumys istedi. Ýnıversıtet 1942 jyly 257 fızık, hımık, matematık, bıolog, jýrnalıs, fılolog, sondaı-aq Batys Eýropa tilderiniń mamandaryn daıarlap shyǵardy.

ál-Farabı atyndaǵy Qazaq ulttyq ýnıversıteti — Qazaqstan Respýblıkasynyń Joǵary bilim berý júıesiniń jetekshi mekemesi-óziniń 88 jyldyq mereıtoıyn atap ótýde. Baı dástúrler, oqý jáne ǵylymı jumystaǵy kóp jyldyq tájirıbe, joǵary kásibı pedagogıkalyq quram — osynyń bári ýnıversıtetke ondaǵan jyldar boıy túrli salalarda úzdik mamandar daıarlaýǵa múmkindik beredi.

Joǵary oqý ornynda eki myńnan astam profesor, ǵylym doktorlary, kandıdattary men fılosofıa doktorlary, 100-den astam iri akademıalardyń akademıkteri, 30-ǵa jýyq Qazaqstan Respýblıkasynyń eńbek sińirgen qaıratkerleri jumys isteıdi. Munda joǵary kásiptik bilim berýdiń kópdeńgeıli júıesi boıynsha 25 myńnan astam stýdentter men magıstranttar bilim alýda. Ýnıversıtet álemniń júzdegen iri halyqaralyq joǵary oqý oryndarymen birlesken halyqaralyq oqý baǵdarlamalaryn iske asyrý, stýdentter almasý jáne taǵylymdamalar ótkizý boıynsha yntymaqtastyq jasaıdy.

Aıta keteıik ál- Farabı atyndaǵy qazaq ulttyq ýnıversıteti qazirgi tańda álemniń 200 myqty ýnıversıtetterdiń qataryna kiredi.Bul ýnıversıtetke túsýge keńes beremin.

Avtor:Temırov Amırhan Eralıuly
QazUÝ - Mehanıka-matematıka kafedrasynyń 1-kýrs bakalavrıanty. Jetekshi: aǵa oqytýshy Ýrazgalıeva Svetlana Amanjolovna.

---