InfoHub Logo

Qaıter edik, ómirge kelmegende,                                               
Kónemiz ǵoı, qaıtemiz kónbegende?!
Tózemiz ǵoı, qaıtemiz tózbegende,
Kólden tamshy buıyrmas shóldegende. . .

M. Maqataev

Óz zamanynyń  aqıyq aqyny Muqaǵalı Maqataev atamyztalaı qandykóńil múgedektiń jan-jarasyn osy ólń joldarymen demep edi. Al bizdiń qazirgi demokratıalyq qoǵam taǵdyrdyń jazýymen taýqymetke tap bolǵan jandarǵa óz kómegin tıgizýde me? 

Búginde elimizde 100 myńǵa jýyq múmkindigi shekteýli bala bar. Olardyń keıbiri memlekettik mektepterde bilim alsa, qalǵany mamandandyrylǵan uıymdarda nemese úıde bilim alýda. Meniń oıymsha, erekshe qajettiligi bar oqýshylarǵa oqý ordalarynda meılinshe jaǵdaı jasaý qajet. Máselen, zaǵıp jandarǵa arnalǵan oqýlyqtar ázirlep, mektep psıhologtarynyń bilimin arttyrý kerek.

Alaıda memleket qory osyndaı jandar úshin búginde «Arýana» emdeý dıagnostıkalyq uıymyn, «Dara» qaıyrymdylyq qoryn, «Kedergisiz keleshek» jobasyn uıymdastyrdy. Mysaly, «Arýana» emdeý-dıagnostıkalyq ortalyǵynda 150 bala tárbıelenýde. Mundaı jobaǵa «Arýananyń» ata-analary da rıza kórinedi. Rasymen, sal aýrýyna shaldyqqan balalary bar otbasylardyń anasy kóbine úıinde otyrady. Al osy balabaqsha ashylǵaly ata-analar esh alańsyz jumysqa baratyn bolǵan. Sebebi, balalary eshkimnen kem emes, balabaqshaǵa baryp qana qoımaı, logoped, psıholog, LFK-dárigeri syndy mamandardyń jiti baqylaýynda ekendigin olar da biledi.

Eń bastysy qoǵam, múmkindigi shekteýli jandarǵa músirkep qaraýdy doǵarý qajet. Kerisinshe qoldap, olarda qoǵamnyń bir múshesi ekendigin seziný qajet. Jaqsylyq jasap jarysaıyq!

---